आईसीटी समाचार
सरकारले नेपाललाई सूचना प्रविधिको हबको रूपमा विकास गर्ने घोषणा गरेको छ ।
संघीय संसदको संयुक्त बैठकमा आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले यस्तो बताएका हुन् ।
आगामी १० वर्षमा ३० खर्बको आईटी सेवा निर्यात गर्ने र ५ लाख प्रत्यक्ष तथा १० लाख अप्रत्यक्ष रोजगारी सिर्जना गर्ने गरी आगामी आर्थिक वर्षलाई सूचना प्रविधि दशकको प्रस्थान विन्दुको रूपमा अगाडि बढाइने पुनले जानकारी दिए ।
सूचना प्रविधिलाई अर्थतन्त्रको संवाहक क्षेत्रको रूपमा अगाडि बढाइने र कृतिम बौद्धिकताको विकास, प्रवर्दन र नियमनको व्यवस्था गर्ने समेत पुनले बताए ।
