आईसीटी समाचार
मेटाको आर्टिफिशियल इंटेलिजेन्सले २१ वर्षीय महिलालाई आत्महत्या गर्नबाट बचाएको छ । यो घटना भारतको लखनौबाट आएको हो । आत्महत्या गर्न रोक्नलाई आर्टिफिशियल इंटेलिजेन्सले महत्वपूर्ण भूमिका खेलेको छ। एआईले समयमै उक्त महिलाको आत्महत्या गर्ने मनसायको बारेमा स्थानीय सरोकारवालालाई सचेत गरायो । त्यसपछि तुरुन्तै सफल उद्धार अपरेसन गर्दै प्रहरीले युवतीको जीवन बचाउन सफल भएको थियो ।
रिपोर्ट अनुसार, मेटाको एआई सिस्टमले एक भिडियो फल्याग गरेको थियो, जसलाई आत्महत्या गर्न जाने महिलाले नै सामाजिक मिडिया प्लेटफर्ममा पोस्ट गरेकी थिइन् । यस भिडियोमा २१ वर्षीय महिलाले घाटीमा फन्दा लगाएको देखिएको थियो । यससँगै, महिलाले आत्महत्या गर्ने मनसाय व्यक्त गरिरहेकी थिइन् ।
मेटा कम्पनीको अलर्ट प्राप्त भएपछि निगोहां पुलिस टिमले तुरुन्त घटनास्थलमा पुगेर महिलालाई आत्महत्या गर्नबाट रोक्न सफल भयो र उनलाई परामर्श दिइयो ।
यो भिडियो सामाजिक मिडियामा तीव्र गतिमा फैलिएको थियो र यस्तो हुन लागेको सूचित भएपिछ पुलिसले महिलाको लोकेशन पत्ता लगाउन सफल भयो । महिला अधिकारीसहित एक पुलिस टोली घटनास्थलमा पठाइएको थियो । यसरी महिलाको तुरुन्त परामर्श गरेर उनको जीवन बचाइयो ।
बताइएको छ कि आत्महत्या गर्न जाने यी महिलाको चार महिना अघि आर्य समाज मन्दिरमा विवाह भएको थियो । यो विवाहलाई कानूनी मान्यता प्राप्त थिएन । केही समयपछि महिलाको श्रीमानले उनलाई छोडिदिए । यसको प्रभाव महिलाको मानसिक अवस्थामाथि प¥यो । उनले आफूलाई एक्लो र निराश महसुस गर्न थालिन् । यी सबै कारणहरूले उनी आत्महत्या गर्न प्रयास गर्न थालिन् ।
आत्महत्या जस्ता समस्यामा कहाँबाट मद्दत लिन सकिन्छ ?
आत्महत्या जस्ता समस्यामा यदि तपाईं वा तपाईंको कुनै चिन्ने व्यक्ति मानसिक तनावमा हुनुहुन्छ छ भने, मद्दतको लागि सम्पर्क गर्न सकिन्छ । मद्दतको लागि ११६६ मा कल गर्न सकिन्छ । यसको अतिरिक्त, पाटन अस्प्ताललाई पनि सम्पर्क गर्न सक्नुहुन्छ । सम्पर्कका लागि ९८१४३७६१२३ मा डायल गर्नुहोस् ।
मेटा एआई के हो ?
मेटा एआई मेटाको आर्टिफिशियल इंटेलिजेन्स च्याटबोट हो । यो च्याटबोटलाई कम्पनीले जुन महिनामा रोलआउट गर्न शुरू गरेको थियो । मेटा एआईको प्रयोग ह्वाट्सऐप, इन्स्टाग्राम, फेसबुक, म्यासेन्जर मार्फत गर्न सकिन्छ । यसका साथै, मेटा एआई मेटा डट एआई वेबसाइटमा पनि प्रयोग गर्न सकिन्छ । तपाईं मेटा एआईसँग च्याटजीपीटी जस्तै कुनै पनि प्रकारको प्रश्न सोध्न सक्नुहुन्छ । यसका अतिरिक्त, मेटा एआईले इमेज पनि जनरेट गर्दछ ।
