आईसीटी समाचार
सामसङले शक्तिशाली एआई सुविधाहरू, सरलीकृत नियन्त्रणहरू र भविष्यका स्केलेबल एआई इकोसिस्टमहरूको पूर्वावलोकन रहेको वान युआई ७ बेटा प्रोग्राम सार्वजनिक गरेको छ ।
एआई–फर्स्ट प्लेटफर्मद्वारा सबैभन्दा सहज कन्ट्रोल र एआई–सञ्चालित व्यक्तिगत मोबाइल अनुभवहरू दिने वान युआई ७ को लक्ष्य रहेको छ ।
प्रत्येक टच पोइन्टमा प्रमुख एआई एजेन्टहरू र मल्टिमोडल क्षमताहरू एकीकृत गरी, हरेक अन्तरक्रियालाई न्याचुरल र सहज महसुस हुने एआई प्लेटफर्मको सिर्जना गरेर वान युआई ७ ल्याएको कम्पनीको भनाइ छ ।
यसमा एडभान्सड लेखन सहायक टुलहरू (राइटिंग असिस्ट टुल) जस्ता ग्यालेक्सी एआई फिचर आएको छ । एआई ओएससँग एकीकृत भएर अप्लिकेसनहरु बिच स्विच गर्न आवश्यक बिना नै टेक्स्टहरू चयन गर्ने क्षमता दिई यसले प्रयोगकर्ताहरूको उत्पादत्त्व बढाउने छ ।
वान युआई ७ मा २० वटा भाषामा कल ट्रान्सफर गर्न सकिने सुविधा रहेको छ । वान युआई सेभेनमा युआईमा समेत परिवर्तन गरिएको छ ।
वान युआई ७ को आधिकारिक रूपमा रिलिज आगामी ग्यालेक्सी एस सिरिज डिभाइसहरूसँग हुनेछ भने २०२५ को पहिलो त्रैमासिकदेखि सुरु हुने गरी इनहान्सड अन–डिभाइस एआई फंक्सन गरी थप एआई क्षमताहरू समावेश हुनेछ । आफ्नो ओएस अपग्रेडको नीति विस्तार गर्ने सामसङको प्रतिबद्धता अनुरूप, यी अप्डेटहरु विस्तारै अन्य ग्यालेक्सी उपकरणहरूमा पनि आउने छन् ।
