आईसीटी समाचार
चांगन नेपालले विद्युतीय गाडी दिपलको ब्रान्ड एम्बास्डरमा क्रिकेटर तथा नेपाल क्रिकेट संघका सचिव पारस खड्कालाई नियुक्त गरेको छ ।
काठमाडौंस्थित होटल मेरियटमा मंगलबार आयोजित एक विशेष समारोहमा कम्पनीले खड्कालाई ब्रान्ड एम्बास्डर घोषणा गरेको हो ।
ब्रान्ड एम्बास्डरको जिम्मेवारी पाएपछि नवनियुक्त ब्राण्ड एम्बास्डर पारस खड्काले यति धेरै फिचर सहितको गाडी, यति कम मूल्यमा यो सेग्मेन्टमै नभएको बताए । ' म आफैंले पनि यो गाडी चलाएको छु । साँच्चिकै मज्जा लाग्यो,' उनले भने, 'यसका फिचरहरू हाइटेक छन् । बाहिरबाट हेर्दा मात्र नभई यसको इन्टेरियर पनि निकै गजब रहेछ ।’
कार्यक्रममा एमएडब्लू वृद्धिका प्रबन्ध निर्देशक विवेक सिकारियाले खड्कालाई दिपल ईभीको ब्रान्ड एम्बेसेडर बनाउन पाउँदा खुसी लागेको बताएका थिए ।
