आईसीटी समाचार
यदि तपाई एन्ड्रोइड स्मार्टफोन प्रयोगकर्ताहरू हुनुहुन्छ भने तपाईँलाई सतर्क रहन जरुरी छ । गूगल प्ले स्टोरमा रहेका धेरै एपहरू नेक्रो ट्रोजन भाइरसले प्रभावित छन् । यो भाइरस मोबाइल डिभाइसबाट प्रयोगकर्ताको व्यक्तिगत डेटा चोर्नको लागि डिजाइन गरिएको छ । डेटा चोर्नुका साथै यो तपाईँको उपकरणमा चुपचाप अन्य मालवेयर एपहरू पनि इन्स्टल गरिदिन्छ ।
गूगल प्ले स्टोरमा रहेका दुई एपहरूमा नेक्रो ट्रोजनभाइरस पुष्टि भएको छ । यी दुई एपहरू स्पटीफाई र ह्वाट्सएप नामबाट मोडिफाइ भएका छन् । यी आधिकारिक एपका कपि गरिएका नक्कली एप हुन् । गुगलले कारबाही गर्दै यी एपहरूलाई आफ्नो प्लेटफर्मबाट हटाएको छ । यसअघि लोकप्रिय खेल माइनक्राफ्टमा ट्रोजन भाइरस फेला परेको थियो ।
यससँगै सन् २०१९ मा पिडिएफ क्रिएटर एप क्याम स्क्यानरमा पनि नेक्रो ट्रोजनभाइरस भाइरस फेला परेको थियो । गुगल प्ले स्टोरमा यो एपलाई करिब १०० मिलियन पटक डाउनलोड गरिएको थियो । यद्यपि, पछि कम्पनीले सुरक्षा अपडेट (प्याच) जारी गर्दै यो समस्या समाधान गरेको थियो । यससँगै दुई अन्य एप वुटा क्यामेरा र म्याक्स ब्राउजरमा पनि भाइरस फेला परेको थियो । दुवै एपलाई गुगलले प्ले स्टोरबाट हटाएको थियो ।
सुरक्षा अनुसन्धानकर्ताहरूले लोकप्रिय एपहरूको मोडिफाइ गरिएको भर्सन तेस्रो–पक्षीय वेबसाइटहरू वा अन–अफिसियल तरिकाबाट डाउनलोड गर्नलाई लिएर चिन्ता व्यक्त गरेका छन् । नेक्रो ट्रोजन भाइरस धेरै एपहरूको मोडिफाइ गरिएको भर्सनमा फेला परेको छ । यसमा ह्वाटसएप, माइनक्राफ्ट, स्टम्बल गाईज, कार पार्किंग मल्टिप्लेयर र मेलन स्याण्डबक्स जस्ता एपहरू समावेश छन् ।
मालवेयरबाट आफ्नो उपकरणलाई सुरक्षित राख्न तपाईँले ती सबै एपहरू हटाउनुपर्ने हुन्छ जुन मोडिफाइ गरिएका छन् वा अन–अफिसियल तरिकाले फोनमा इन्स्टल गरिएका छन् । हाम्रो सल्लाह छ कि तपाईँले फोनमा एपहरू आधिकारिक वेबसाइट वा गूगल प्ले स्टोरबाट मात्र इन्स्टल गर्नुहोस् ।
