आईसीटी समाचार
एन्ड्रोइडको लेटेस्ट अपरेटिङ सिस्टम एन्ड्रोइड १५ अहिले पिक्सेल र वानप्लसजस्ता थुप्रै स्मार्टफोनमा उपलब्ध भइसकेको छ । यस नयाँ अपरेटिङ सिस्टममा धेरै उत्कृष्ट फिचरहरू समावेश गरिएका छन् ।
सामान्य फिचरहरूको बारेमा अधिकांश प्रयोगकर्ताहरूलाई जानकारी हुन्छ, तर केही यस्ता फिचरहरू पनि छन् जसको बारेमा धेरैलाई थाहा हुँदैन् ।
यहाँ हामी एन्ड्रोइडका दुई लुकेका (हिडन) फिचरहरूको बारेमा बताउन गइरहेका छौं, जुन तपाईंका लागि निकै उपयोगी हुन सक्छन् ।
एप पेयरिङ
सामान्यतया, धेरैजसो एन्ड्रोइड डिभाइसहरूले मल्टिटास्किङका लागि स्प्लिट–स्क्रिन मोड अफर गर्छन् । एन्ड्रोइड १५ ले एप पेयरलाई सेभ गर्ने सुविधा थप्दै यस फिचरलाई अझ प्रभावकारी बनाएको छ ।
अब, तपाईं एकै ट्यापमा स्प्लिट–स्क्रिन मोडमा दुई एप्स चलाउन सक्नुहुन्छ । यो पढाइको क्रममा नोट लिने एप र युट्युबजस्ता एप्सलाई एकसाथ प्रयोग गर्नका लागि काम लाग्न सक्छ ।
थप रूपमा, पिक्सेल फोल्ड ९ प्रो वा पिक्सेल ट्याब्लेट जस्ता ठूला डिभाइसहरूमा, तपाईं टास्कबारमा एप पिन गरेर तिनीहरूमा छिटो पहुँच प्राप्त गर्न सक्नुहुन्छ ।
एप पेयरलाई सेभ गर्नका लागि
एप आइकनमा ट्याप गरेर र स्प्लिट–स्क्रिन चयन गरेर दुई एप्सलाई स्प्लिट–स्क्रिन मोडमा खोल्नुहोस् । त्यसपछि, रिसेन्ट एप्स मेनु खोल्नुहोस् र एप आइकनमा ट्याप गर्नुहोस् ।
'सेभ एप पेयर' चयन गर्नुहोस् । यसले तपाईंको होम स्क्रिनमा एउटा सर्टकट बनाउँछ, जसले एकै ट्यापमा दुबै एप्सलाई स्प्लिट–स्क्रिन मोडमा खोल्न सक्छ ।
वाईफाई नेटवर्कहरूमा डिभाइस नेमलाई लुकाउने
एन्ड्रोइड १५ मा धेरै नयाँ सुरक्षा फिचरहरू समावेश गरिएका छन्, जसमा एउटा यस्तो फिचर पनि छ, जसले वाईफाई नेटवर्कहरूमा तपाईंको डिभाइसको नाम लुकाउन मद्दत गर्दछ ।
यो त्यतिखेर उपयोगी हुन्छ जब तपाईं क्याफे, एयरपोर्ट, स्टेडियमजस्ता सार्वजनिक वाईफाईमा कनेक्ट हुनुहुन्छ । साथै, आफ्नो डिभाइसको म्याक एड्रेस लुकाएर, तपाईंले प्रयोगकर्ता प्रोफाइलिङ रोक्न र आफ्नो अनलाइन गतिविधिलाई गोप्य राख्न सक्नुहुन्छ ।
यी सेटिङ्स सक्रिय गर्नका लागि सेटिङ्समा जानुहोस् । त्यसपश्चात नेटर्वक एण्ड इन्टरनेट चयन गर्नुहोस्, त्यसपछि इन्टरनेटमा ट्याप गर्नुहोस् ।
तपाईं कनेक्ट भएको नेटवर्कको अगाडि गियर आइकनमा ट्याप गर्नुहोस् । यति गरेपछि प्राइभेसी चयन गर्नुहोस् । सचथै सेण्ड डिभाइस नेम टगललाई बन्द गर्नुहोस् ।
वैकल्पिक रूपमा, थप गोपनीयताका लागि युज रयाण्डाइज्ड म्याक मा स्विच गर्न सक्नुहुन्छ ।
