टेरामक्स लागु नगर्न लेखा समितिको निर्देशन, सुक्ष्म अनुसन्धान गर्ने जिम्मा अख्तियारलाई

लेखा समितिले टेलिकम्युनिकेसन ट्राफिक मनिटरिङ एण्ड फ्रड मोनिटरिङ सिस्टम (टेरामक्स) लागु नगर्न निर्देशन दिएको छ ।

बुधबार बसेको संघीय संसदको सार्वजनिक लेखा समितिले यो प्रविधि खरिद गर्ने कार्यलाई यथास्थितिमा राख, थप कुनै पनि भुक्तानी नगर्न प्राधिकरणलाई निर्देशन दिएको हो । 

यस्तै समितिले टेरामक्स खरिद गर्ने सम्बन्धमा हालसम्म सम्पादित सम्पुर्ण कामहरुको सुक्ष्म विश्लेषण तथा अनुसन्धान गर्न समेत अख्तियार अनुसन्धानलाई आयोगलाई निर्देशन दिएको छ । 

प्रणाली खरिद गर्ने सम्वन्धमा हालसम्म सम्पादित सम्पुर्ण कामहरुको सुक्ष्म विश्लेषण तथा अनुसन्धान गरि शिघ्र निस्कर्षमा पुग्न र अधिकारको दुरुपयोग गरि राज्यलाई हानी नोक्सानी हुने गरि कार्य सम्पादन गरे, गराएको पाइएमा सम्बन्धित पदाधिकारी सबैलाई हदै सम्मको कारवाहीका लागि माग दावीसहित कानून बमोजिम अभियोजन प्रक्रियामा लैजान र ३० दिन भित्र सो सम्वन्धी कार्यप्रगति विवरण समितिलाई उपलव्ध गराउन अख्तियारलाई समितिले निर्देशन दिएको छ ।