आईसीटी समाचार
काठमाडौं । ट्राफिक नियम विपरीत फुटपाथमा पार्किङ गरिएको प्रहरीको भ्यानमाथि ट्राफिक प्रहरीले कारवाही गरेको छ । नियम उल्लंघन गरेको पुष्टि भएपछि सम्बन्धित सवारी साधनलाई जरिवाना स्वरूप चिट जारी गरिएको हो ।
उक्त घटना बारे जानकारी नेपाल प्रहरीले आफ्नो आधिकारिक सामाजिक सञ्जालमार्फत पनि सार्वजनिक गरेको छ । प्रारम्भमा फुटपाथमा पार्किङ गरिएको भ्यानको तस्बिर सामाजिक सञ्जालमा सार्वजनिक भई व्यापक रूपमा चर्चामा आएको थियो ।
सार्वजनिक ध्यानाकर्षणपछि ट्राफिक प्रहरीले सो सवारी साधनको पहिचान गरी आवश्यक कानुनी प्रक्रिया अनुसार कारबाही गरेको जनाएको छ ।
