आईसीटी समाचार
अब सबै वाणिज्य बैंकहरुको मोबाइल बैंकिङ एपबाट नेपाल पे क्युआर स्क्यान गरी भुक्तानी गर्न सकिने भएको छ । ग्राहकहरूले अब जुनसुकै वाणिज्य बैंकहरूको मोबाइल बैंकिङ प्रयोग गरी नेपाल पे क्युआर स्क्यान गरी मर्चेन्टलाई भुक्तानी गर्न भएका हुन् ।
त्यसैगरी अधिकांश विकास बैंकहरु, फाइनान्स कम्पनीहरू, वालेटहरू र कनेक्ट आईपीएस मोबाइल एपबाट पनि नेपाल पे क्युआर स्क्यान गरी मर्चेन्टलाई तुरुन्तै भुक्तानी गर्न सकिन्छ । नेपाल पे क्युआरबाट भुक्तानी गर्न मोबाइल बैंकिङ्ग वा वालेटको प्रयोगकर्ताले क्युआर स्क्यान गर्ने अप्सनमा गई नेपाल पेको लोगो रहेको यकिन गर्नुपर्ने हुन्छ ।
यसमा अन्तरआबद्धता कायम गर्न भएको उपलब्धीलाई कम्पनीले एक महत्वपूर्ण कोशेढुङ्गाको रुपमा लिएको छ । साथै यसबाट क्युआर भुक्तानीमा वृद्धि हुने पनि अपेक्षा कम्पनीको छ ।
