विगत पाँच वर्षदेखी सूचना प्रविधि क्षेत्रमा सक्रिय रहेको , प्रिक्सा टेक्नोलोजीज ले गत २०७६ असोज २७ बाट प्रिक्सा एडलीटिक्स सफ्टवेर ( Prixa Adalytics Software) बजारमा ल्याएको छ।

Advertiser Publisher Relationship Management (APRM) प्रणालीमा आधारित एडलीटिक्स सफ्टवेर नेपालमै पहिलो पटक निर्माण गरिएको यस्तो सफ्टवेर हो । यसले विज्ञापनदाता र अनलाइन संचार पोर्टलको ( प्रकाशकको ) कार्यसंचालन र सम्बन्धलाइ व्यवस्थित गर्ने फिचरहरु उपलब्ध गराएको छ।

कसरि काम गर्छ एडलीटिक्सले ?

एडलीटिक्स को अत्याधुनिक प्रविधिको मद्दतले विज्ञापनदाताहरुले आफ्नो विभिन्न अनलाइन पोर्टलहरुमा भईरहेका ब्यानर तथा जि . अई . एफ विज्ञापन (GIF AD) हरुको इम्प्रेसन (Impression), क्लिक (Click), र युजर (User) को तथ्याङ्क लिन सकिनेछ । यस अर्थमा इम्प्रेसन भन्नाले एउटा विज्ञापन कति पटक हेरियो भन्ने हो भने क्लिक भन्नाले कतिजनाले सो विज्ञापनमा क्लिक गरे भन्ने विवरण हो । त्यसै गरि युजरको तथ्यांक भन्नाले कतिजनाले सो विज्ञापन हेरे भन्ने हो । यसका साथै यसले विज्ञापनदाताहरुलाई पाठक / दर्शकहरुले प्रयोग गरेको उपकरण (Mobile, Desktop or Tablet Device) तथा वेब ब्राउजर (Web browser used) को तथ्यांक पनि प्रस्तुत गर्दछ। एडलीटिक्स ले विज्ञापनदातालाई विभिन्न अ के नलाइन पोर्टलहरुमा राख्ने डिजिटल विज्ञापनहरुलाई आफैले राख्ने , मिलाउने र हटाउने फिचर प्रदान गर्दछ।

विज्ञापनदाता र प्रकाशक लाइ के छ फाइदा ?

विज्ञापनदातालाई आफ्ना विभिन्न अनलाइन पोर्टलमा रहेको सम्पूर्ण विज्ञापनको प्रगति तुलना गरी आफ्नो बजेट उपयोगिता विश्लेषण गर्नमा एडलीटिक्स ले ठुलो सहयोग गर्नेछ ।

एडलीटिक्स ले अनलाइन विज्ञापनदातालाई मात्र नभई प्रकाशकहरुलाई पनि आफ्नो पोर्टलको विभिन्न ठाउँमा राखिने विज्ञापनको प्रगति मापन र मूल्यांकन गर्न सहयोग गर्दछ। हालसम्म केहि विज्ञापनदाता एवम् अनलाईन पोर्टलहरुको सहकार्यमा एडलीटिक्स को सफल परीक्षण गरि यस सफ्टवेर प्रयोगमा पनि आइसकेको बताइएको छ ।

विभिन्न राष्ट्रिय तथा अन्तराष्ट्रिय संघसंस्था तथा प्रोजेक्टहरुको अनुभव भएका इन्जिनियारहरु द्वारा निर्मित , र साइबर सुरक्षा विज्ञहरुद्वारा जाँच गरिएको यस एडलीटिक्स सफ्टवेर नेपालको राष्ट्रिय साइबर सुरक्षा नीति एवम् अन्य कानुनको पूर्ण रुपले अनुपालना गरको कम्पनीले जारी गरेको प्रेस बिज्ञप्तिमा उल्लेख गरिएको छ ।