काठमाडौं । नेपालमा कानून व्यवसायी तथा कानुनी फर्मका लागि विशेष रूपमा तयार गरिएको MeroCase औपचारिक रूपमा लन्च भएको छ । ‘Smart Law, Smarter Research, Seamless Practice’ अवधारणासहित ल्याइएको MeroCase ले कानुनी अभ्यासका विभिन्न कामलाई एउटै डिजिटल कार्यक्षेत्रमा एकीकृत गर्ने लक्ष्य राखेको छ ।

MeroCase लाई नेपालका कानून व्यवसायी र कानुनी फर्मका लागि विशेष रूपमा डिजाइन गरिएको Practice Management Software का रूपमा प्रस्तुत गरिएको छ । यसले दैनिक कानुनी कामलाई व्यवस्थित, छिटो र प्रभावकारी बनाउन सहयोग गर्ने उद्देश्य राखेको छ ।

MeroCase मा Case Management सुविधा रहेको छ, जसबाट कानून व्यवसायीले आफ्ना चालु तथा पुराना मुद्दाहरूलाई एउटै स्थानमा व्यवस्थित गरी आवश्यकताअनुसार ट्र्याक गर्न सक्नेछन् ।

त्यस्तै, Client Management सुविधाले ग्राहकसँग सम्बन्धित विवरण, सञ्चार तथा मुद्दासँग जोडिएको इतिहासलाई व्यवस्थित रूपमा व्यवस्थापन गर्न सहयोग गर्नेछ । यसबाट कानून व्यवसायीले सम्बन्धित क्लाइन्ट र मुद्दाको विवरण सहज रूपमा पहुँच गर्न सक्नेछन् ।

कानुनी कागजात तयार गर्ने प्रक्रियालाई सहज बनाउन MeroCase मा Case Drafting सुविधा पनि समावेश गरिएको छ । एकीकृत डिजिटल कार्यक्षेत्रमै कानुनी कागजात तयार गर्न सकिने भएकाले ड्राफ्टिङ प्रक्रियालाई थप व्यवस्थित र छिटो बनाउन सकिने कम्पनीको दाबी छ ।

त्यसैगरी, Document Management सुविधामार्फत महत्वपूर्ण मुद्दासम्बन्धी कागजात तथा फाइललाई सुरक्षित रूपमा व्यवस्थित, भण्डारण र आवश्यक परेको समयमा पहुँच गर्न सकिनेछ ।

MeroCase को अर्को प्रमुख सुविधा ‘Ask Mira’ AI Legal Research हो । यसमार्फत नेपालका कानून, ऐन तथा नजिरमा आधारित कानुनी अनुसन्धानलाई छिटो र व्यवस्थित रूपमा गर्न सकिने जनाइएको छ । Ask Mira ले नेपाली कानुनी व्यवस्था र नजिरअनुसार तथ्यमा आधारित कानुनी अनुसन्धानमा कानून व्यवसायीलाई सहयोग गर्ने उद्देश्य राखेको छ ।

यसका साथै MeroCase मा Automated Court Calendar / History Sync सुविधा पनि रहेको छ । यसले अदालतका कज-लिस्ट, सुनुवाइको तालिका तथा मुद्दासम्बन्धी गतिविधिको ट्र्याकिङलाई स्वचालित रूपमा व्यवस्थापन गर्न सहयोग गर्नेछ । यसबाट कानून व्यवसायीले महत्वपूर्ण अदालतसम्बन्धी अपडेट तथा सुनुवाइका विवरणमा सहज पहुँच पाउनेछन् ।

MeroCase ले एकल रूपमा अभ्यास गर्ने कानून व्यवसायीदेखि मुद्दा हेर्ने कानुनी फर्म तथा कर्पोरेट कानुनी विभागसम्मलाई लक्षित गरेको छ । कम्पनीका अनुसार यसलाई कानून व्यवसायीको ‘Law Firm on the Go’ का रूपमा प्रयोग गर्न सकिने गरी विकास गरिएको हो ।

कानुनी अभ्यासमा आवश्यक पर्ने केस व्यवस्थापन, क्लाइन्ट विवरण, कागजात व्यवस्थापन, ड्राफ्टिङ, कानुनी अनुसन्धान तथा अदालतसम्बन्धी जानकारीलाई एउटै प्लेटफर्ममा ल्याउने उद्देश्यले MeroCase तयार गरिएको हो ।

नेपालमा कानुनी क्षेत्र क्रमश: डिजिटल हुँदै गइरहेको अवस्थामा MeroCase को सुरुवातले कानून व्यवसायीका दैनिक कामलाई थप व्यवस्थित र प्रविधिमैत्री बनाउन सहयोग गर्ने अपेक्षा गरिएको छ ।