समाचार
सिंहदरबार क्षेत्रमा इन्टरनेट सेवा सुधार गर्न सरकारको पहल, अवरोधरहित पहुँचमा जोड
सिंहदरबारभित्र तथा आसपासका सरकारी निकायमा इन्टरनेट सेवाको गुणस्तर सुधार गर्न सरकार अहिले सक्रिय बनेको छ। प्रशासनिक केन्द्रका रूपमा रहेको यस क्षेत्रमा प्रविधि पूर्वाधार कमजोर नहोस् भनेर सञ्चार तथा सूचना प्रविधिमन्त्री डा. बिक्रम तिमिल्सिनाले सम्बन्धित निकायलाई सेवा थप भरपर्दो, छरितो र अवरोधरहित बनाउन निर्देशन दिएका छन्।
एकीकृत डाटा व्यवस्थापन केन्द्रका प्रमुखसँग भएको छलफलमा मन्त्री तिमिल्सिनाले सबै सरकारी कार्यालयमा उच्चस्तरीय इन्टरनेट पहुँच सुनिश्चित गर्नुपर्नेमा जोड दिएका छन्। उनले सेवा अवरुद्ध हुन नदिन पूर्वतयारी, निरन्तर निगरानी र जोखिम व्यवस्थापनलाई मजबुत बनाउन आवश्यक रहेको बताएका छन्।
मन्त्री तिमिल्सिनाले सम्भावित समस्या पहिचान गरेर तुरुन्त समाधान गर्न, सेवा प्रदायक र सम्बन्धित निकायबीच जिम्मेवारी तथा जवाफदेहिता बढाउन पनि निर्देशन दिएका छन्। प्राविधिक वा मानवीय कमजोरीका कारण सेवा अवरुद्ध हुने अवस्था अन्त्य गर्न दक्ष जनशक्ति परिचालन गर्नुपर्ने उनको भनाइ छ।
छलफलका क्रममा नेपाल टेलिकममार्फत दक्ष प्राविधिक टोली खटाई समस्या आएमा तुरुन्त समाधान गर्ने व्यवस्था मिलाउन पनि उनले निर्देशन दिएका छन्।
त्यस अवसरमा एकीकृत डाटा व्यवस्थापन केन्द्रका प्रमुख मनिष भट्टराईले केही कार्यालयमा इन्टरनेट सुस्त हुने र कहिलेकाहीँ सेवा विच्छेद हुने समस्या देखिएको स्वीकार गरेका छन्। उनले ती समस्या समाधानका लागि प्राविधिक सुधार र व्यवस्थापनका उपाय अघि बढाइएको जानकारी दिएका छन्।
भट्टराईका अनुसार सिंहदरबारभित्र हाल नेपाल टेलिकममार्फत १ जिबिपिएस क्षमताको ब्रोडब्यान्ड सेवा सञ्चालनमा छ भने जी–क्लाउडका लागि थप २५० एमबिपिएस क्षमताको इन्टरनेट प्रयोग भइरहेको छ। तर, अप्टिकल फाइबरमा सडक तथा भौतिक पूर्वाधार निर्माणका क्रममा हुने क्षतिले सेवा प्रभावित हुने गरेको उनले बताएका छन्।
दीर्घकालीन समाधानका लागि फाइबरलाई सुरक्षित रूपमा भूमिगत गर्नुपर्ने आवश्यकता पनि उनले औंल्याएका छन्। साथै, पहिले वैकल्पिक प्रणालीमार्फत सेवा निरन्तरता कायम राख्ने ‘इन्टरनेट रिङ’ को व्यवस्था रहे पनि अहिले त्यो कमजोर बन्दै गएको भन्दै त्यसलाई पुनः सुदृढ बनाउनुपर्ने उनको भनाइ छ।
भट्टराईले बाह्य इन्टरनेट व्यवस्थापन केन्द्रको जिम्मामा रहे पनि प्रत्येक कार्यालयभित्रको नेटवर्क र सर्भर व्यवस्थापन सम्बन्धित निकायकै जिम्मा हुने भएकाले मन्त्रालय तथा कार्यालयहरूमा दक्ष सूचना प्रविधि जनशक्ति आवश्यक रहेको स्पष्ट पारेका छन्।
डिजिटल पूर्वाधार सुदृढ गर्दै सेवा प्रवाहलाई छिटो, पारदर्शी र प्रभावकारी बनाउने सरकारको लक्ष्यअनुसार सिंहदरबार क्षेत्रको इन्टरनेट सेवा सुधारलाई महत्वपूर्ण कदमका रूपमा हेरिएको छ।
समाचार
युट्युब प्रिमियममा ‘अटो स्पिड’ र ‘अन द गो’ प्लेब्याक फिचर परीक्षणमा
युट्युबले प्रिमियम प्रयोगकर्ताहरूका लागि दुई नयाँ फिचरको परीक्षण सुरु गरेको छ। कम्पनीले भिडियो हेर्ने अनुभवलाई अझ सहज र प्रभावक…
गुगल क्रोममा भर्टिकल ट्याब्स र पूर्ण पृष्ठ रिडिङ मोडको अपडेट
गुगलले आफ्नो क्रोम ब्राउजरमा प्रयोगकर्ता अनुभव सुधार गर्ने उद्देश्यले दुई नयाँ सुविधा सार्वजनिक गरेको छ। तीमध्ये पहिलो सुविधा भर्ट…
नागरिक एपमा ठूला सेवा विस्तार हुँदै, एक साताभित्र लोकसेवा प्रवेशपत्र, एनओसी र निजामती विवरण उपलब्ध हुने
सरकारले नागरिक सेवाहरूलाई डिजिटल माध्यममार्फत सहज र एकीकृत बनाउने अभियानलाई तीव्रता दिएको छ। सञ्चार तथा सूचना प्रविधिमन्त्री ड…
एनसेलको ‘सधैं अन’ अवधारणा, दुई वर्षपछि सरकारी डेटा सब्स्क्रिप्सन नीतिमा प्रतिबिम्बित
मोबाइल डेटा प्रयोगमा अनियन्त्रित खर्च र उपभोक्ताको गुनासो बढ्दै गएपछि सरकारले ‘पे–एज–यू–गो’ प्रण…
नेपाल टेलिकममा नयाँ ‘पे–एज–यू–गो’ नियन्त्रण सुविधा, मुख्य ब्यालेन्स जोगिने व्यवस्था र ३० दिनको नयाँ प्याकेज सुरु
नेपाल टेलिकमले आफ्ना प्रिपेड र पोस्टपेड मोबाइल प्रयोगकर्ताका लागि लामो समयदेखिको गुनासो सम्बोधन गर्दै ‘पे–एज…
इनड्राइभद्वारा राइडरलाई २२ लाख रुपैयाँ बराबरको इन्धन सहयोग घोषणा
नेपालमा बढ्दो इन्धनको मूल्य र चर्को महँगीबाट गुज्रिरहेका राइडरहरूलाई राहत दिन इनड्राइभले २२ लाख रुपैयाँ बराबरको इन्धन सहयोग गर्…
गुगल प्ले स्टोरमा अब एपको रिभिउभित्रै शब्द खोज्न सकिने सुविधा
गुगलले आफ्नो गुगल प्ले स्टोर मा नयाँ अपडेट ल्याएको छ, जसले प्रयोगकर्तालाई सही एप …
एक्स्ट्रिम इनर्जी ड्रिङ्क्सको टिकटक क्याम्पेन सार्वजनिक, विजेतालाई आईपीएल हेर्ने मौका
नेपालको लोकप्रिय इनर्जी ड्रिंक्स ब्राण्ड ‘एक्स्ट्रिम इनर्जी ड्रिंक्स’ले आफ्ना उपभोक्ताहरूलाई लक्षित गर्दै आकर्षक टिकटक…
काठमाडौंमा अप्रिल ९–१० मा एपीएसी आइपीभी–६ काउन्सिल मिट हुँदै
चौथो एपिएक आइपीभी–६ काउन्सिल मिट २०२६ काठमाडौंको रेडिसन होटलमा अप्रिल ९ र १० मा हुने भएको छ। सुबिसु (SUBISU) को आयो…
विश्व बैंकसँग डिजिटल रूपान्तरण परियोजनाबारे मन्त्री तिमिल्सिनाको छलफल
सञ्चार तथा सूचना प्रविधि मन्त्री डा. विक्रम तिमिल्सिना र विश्व बैंकका दक्षिण एशिया क्षेत्र अन्तर्गत माल्दिभ्स, नेपाल र श्रीलङ्काका निर्द…
सफ्टवेयर कम्पनी विधिको १२ वर्ष पूरा, २०० भन्दा बढी कम्पनीहरूले लिइरहेका छन् सेवा
नेपालको सफ्टवेयर क्षेत्रमा स्थापित कम्पनी विधि प्रालिले आफ्नो स्थापना भएको १२ वर्ष पूरा गरेको छ। सन् २०१४ मा स्थापना भएको कम्पनीले …
सञ्चारमन्त्रीको निर्देशनपछि एनटिसीका प्रिपेड प्याकेज ३० दिनको हुने
नेपाल टेलिकम (एनटिसी) ले आफ्ना प्रिपेड सेवाअन्तर्गतका २८ दिन अवधिका प्याकेजलाई ३० दिन बनाउने व्यवस्था कार्यान्वयनमा ल्याएको छ।
आयरल्यान्डले सामाजिक सञ्जालमा उमेर प्रमाणीकरणका लागि डिजिटल वालेट परीक्षण गर्दै
आयरल्यान्ड सरकारले सामाजिक सञ्जाल प्लेटफर्महरूमा पहुँचका लागि प्रयोगकर्ताको उमेर प्रमाणीकरण गर्न मिल्ने सुविधा समावेश गरिएको आफ्नो…
ई–बुकिङ नेपाल र पाटन स्टे एसोसिएसनबीच रणनीतिक सहकार्य, हेरिटेज पर्यटन प्रवर्द्धनमा जोड
ई–बुकिङ नेपाल प्रा. लि. र पाटन स्टे एसोसिएसनबीच पाटन क्षेत्रको हेरिटेज पर्यटन प्रवर्द्धन तथा डिजिटल बुकिङ प्रणाली विस्तार ग…
एनटिसी सेवामा सुधार : डेटा सकिएपछि स्वतः शुल्क काटिने व्यवस्था हट्ने, ‘वान टाइम केवाईसी’ लागू हुँदै
सञ्चार तथा सूचना प्रविधि मन्त्रालयको निर्देशनपछि नेपाल टेलिकमका सेवामा सुधारका विभिन्न काम अघि बढाइएको छ। प्रयोगकर्ताको डेटा प्य…