यसरी बनाउनुहोस् एएसपी डटनेटमा वेबसाइट

आलोक कुमार पाण्डे

CTO at BRAINDIGIT | MVP (Visual Studio and Development Technologies) at Microsoft Most Valuable Professional

---

ASP.NET 4.5 मा वेब साइट बनाउने चरणवद्ध प्रक्रिया

अघिल्लो लेखमा हामीले बार्चा गरे अनुसार, यस लेखमा हामी Microsoft Visual Studio 2012 बाट वेब साइट बनाउने चरणबद्ध प्रक्रियाको जानकारी गराउनेछौं ।

हामीलाई थाहा भएकै कुरा हो, VS ले विभिन्न प्रोग्रामिंग मोडललाई सहयोग गर्दछ, तीमध्ये Web Form Model बाट शुरु गरौं ।

Web Forms

Web Form  ASP.NET,  वेब साइट र वेब एप्लिकेशन बनाउने तीन मध्ये एक प्रोग्रामिङ मोडल हो । बाँकि दुई वटा प्रोग्रामिङ मोडलहरू Web Pages र MVC (Model, View र Controller) हुन् । Web Form सबैभन्दा पुरानो ASP.NET प्रोग्रामिङ मोडल हो ।

यसको वेब पेजहरू event-driven हुन्छन् जुन HTML, सर्भर कन्ट्रोल र सर्भर कोडका मिश्रणले लेखिएका हुन्छन् । Web Form हरूको संकलन र परिचालन सर्भरमा गरिन्छ, जसको फलस्वरुप HTML जेनेरेट हुन्छ र तीनैद्धारा वेब पेजहरू प्रदर्शन हुन्छन् ।

Data Access सहितको user-driven वेब साइटहरूको निर्माण गर्नका लागि Web Form  हरू सयौं विभिन्न web control र web component हरू सँग आउँछ ।

आउँदो लेखमा हामी server controls र तिनिहरूका उपयोगिताका बारेमा विस्तारमा चर्चा गर्नेछौं । अहिलेलाई भने वेब साईट निर्माण गर्ने चरणहरूका बारेमा नै जानकारी लिऔं ।

सबैभन्दा पहिले कम्प्युटरमा VS 2012 सँग MSSQL इन्सटल भएको हुनुपर्दछ । Visual Studio 2012 खोलेर file menu सेलेक्ट गर्नुहोस् । त्यसपछि new menu option मा जानुहोस् जसले प्रोजेक्ट टाइपहरूको सुचि तयार गर्दछ । Web Site लाई छान्नुहोस् र तलको तस्विरमा देखिए जस्तो खालको dialogue box खुल्नेछ

माथिको तस्विरमा हामी विभिन्न प्रकारका applications देख्न सक्छौं तर यस लेखलाई ध्यानमा राखि ASP.NET Web Forms Site  छान्नुहोस्, र यसका साथै फिजिकल हार्ड डिस्कमा आफ्नो वेब साइट जहाँ store गर्ने हो, त्यो location पनि छान्नुहोस् । माथिको drop-down मा .NET framework र त्यसको दायँपट्टि आफ्नो अनुकुलको programming language : C# वा VB छान्नुहोस् ।

ध्यान राख्नुहोला: यो नै सबैभन्दा महत्वपुर्ण ठाउँ हो जहाँ हामिले language, location र framework जस्ता आवश्यक कुराहरूको छान्न सक्छौं ।

मिल्दो नाम र location छानिसकेपछि OK मा click गर्नुहोस् । यति गरिसकेपछि हामिले हाम्रो simple data सहितको default page देख्न सक्छौं जुन web site development को लागि तयार हुन्छ ।

यति गरेपछि हामी यो वेब साइट F5 थिचेर वा debug menu बाट debug वा without debugging option (यि दुईमा थोरै भिन्नता छ जसका बारेमा हामी पछि चर्चा गर्नेछौं) मध्ये एक छानेर पनि run गर्न सक्छौं ।

यसरी run गरेपछि हामीले नमुना data र login अनि registration का लागि नमुना पेज सहितको हाम्रो पुरा भएको वेब साइट पाउन सक्छौं । तर, real web site अथवा web application का लागि भने यसलाई आफ्नो आवश्यकता अनुसार customize गर्न जरुरी छ ।

यस प्रक्रियामा हामीले थाहा पाउने छौं कि धेरै resource हरू default बाट नै generate भएका हुन्छन् जुन हाम्रो web site को स्वरूप अनुसार नभएमा हामिले हटाउन पनि सक्छौं । माथिको sample data मा केही link हरू छन् ।

जसले थप resource हरू कहाँ पाउने र कसरी काम गर्ने भन्ने बारेमा सिक्र्न मद्धत गर्नेछन् । यो link हरू कृपया एक पटक हेर्नुहोला । यहाँ तपाइले धेरै महत्वपुर्ण र कामलाग्दा ज्ञान पाउन सक्नुहुनेछ । NuGet का बारेमा सबै डभेलोपरलाई थाहा हुनुपर्छ ।

बायाँपट्टि को toolbar मा विभिन्न प्रकारका controls पाउन सक्नुहुनेछ जसले तपाइलाई complete web application बनाउनमा मद्धत पुर्याउँछन् जस अन्तर्गत HTML, Graphical Controls आदि पर्दछन् ।

toolbar को माथिपट्टि server explorer रहेको हुन्छ जसको सहायताले त्यहि कम्प्युटरमा रहेका वा कार्य समुहमा रहेका अरु Server हरू explore गर्न सकिनेछ ।

यही explore को सहायताले हामी चलिरहेको Server सँग जोडिन सक्छौं र सबै SQL सम्बन्धित कामहरू यहि IDE बाट पुरा गर्न सक्छौं ।

यस IDE का धेरै विशेषताहरू छन् । ति सबै विशेषताहरूलाई यहि एक लेखमा विस्तार गर्न सम्भव नभएकाले तिनका बारेमा हामी आगामि लेखहरूमा चर्चा गर्दै जानेछौं । कृपया हाम्रो आगामी बिहीबार प्रकाशित हुने लेख पढ्नुहोला । साथै 'डट नेट गाइड'को डिजिटल कपी खरिद गर्न चाहनु हुन्छ भने यहाँ क्लिक गर्नुहोस् ।