आइसिटी समाचार
नेपाल ईन्भेष्टमेन्ट बैंक लिमिटेडको पूर्ण स्वामित्वमा रहेको एनआईबीएल एस क्यापिटल लिमिटेडले ईसेवासँग सहकार्य गर्ने भएको छ ।
क्यापिटलले आफ्नो ग्राहकवर्गको सुविधालाई मध्यनजर गर्दै आज अर्थात् मंगलबारदेखि एनआइबिएल सहभागिता फण्ड (खुलामुखी योजाना) का इकाई खरिदको भुक्तानी ईसेवाबाटै गर्न सकिने व्यवस्था गरेको हो ।
यस अघि एनआईबीएल सहभागिता फण्डका लगानीकर्ताहरूलाई कनेक्ट आईपीएस, खल्ती र नेपाल इन्भेष्टमेन्ट बैंकको ई–बैंकिङबाट मात्र भुक्तानीको सुविधा थियो ।
थप सेवा विस्तार गर्दै योजना व्यवस्थापक प्रबन्धक, एनआईबीएल एस क्यापिटल लिमिटेडले लगानीकर्ताहरूलाई विना झन्झट खुलामुखी योजनामा लगानी गर्न सहज वातावरण बनाउन निरन्तर प्रयासरत रहेको समेत बताएको छ ।
