आईसीटी समाचार
गण्डकी प्रदेशले राष्ट्रिय आविष्कार केन्द्रलाई दिने भनेको १० करोड अनुदान अझै नदिएको केन्द्रका संस्थापक महावीर पुनले बताएका छन् ।
गण्डकी प्रदेशले आर्थिक वर्ष २०७९/८० को बजेटमा अनुसन्धान र नवप्रवर्तनका लागि राष्ट्रिय आविष्कार केन्द्रलाई १० करोड रुपैयाँ दिने अनुदान दिने भनेको थियो ।
तर आर्थिक वर्ष सकिन केही महिना बाँकी रहँदा पनि आविष्कार केन्द्रले अनुदान पाउन सकेको छैन् ।
राष्ट्रिय आविष्कार केन्द्रका संस्थापक महावीर पुनले मन्त्रालयका कर्मचारीको ढिलासुस्ती र राजनैतिक फेरबदलका कारण १० करोड रूपैयाँ नपाएको बताए ।
गण्डकी प्रदेशले दिने भनेको अनुदान नपाएपनि आविष्कार केन्द्रले आफ्नै खर्चमा पुस महिनादेखि काम सुरू गरिसकेको छ ।
यता गण्डकी प्रदेशको सामाजिक विकास तथा स्वास्थ्य मन्त्रालयका प्रवक्ता तोयनाथ लम्सालले यस प्रक्रियालाई छिट्टै टुंगोमा पुर्याउने छ ।
‘मन्त्रीज्युको समय अनुकल मिलेको छैन् । समय मिलेपछि बैठक बसेर टुंगोमा पुर्याउँछौं,’ उनले भने, ‘सकेसम्म छिट्टो टुङ्ग्याउने गरी काम गर्छौं ।’
