आईसीटी समाचार
ग्लोबल स्मार्टफोन बजारमा खरिद गर्ने ट्रेन्डमा ठूलो परिवर्तन देखिएको छ । चिनियाँ स्मार्टफोन कम्पनी साओमी विश्वभर स्मार्टफोन बिक्रीको मामिलामा दोस्रो स्थानमा पुगेको छ ।
अगस्ट २०२१ पछि साओमीले एप्पललाई पछि पारेको हो । यद्यपि, साओमीको बिक्रीको परिमाणमा भने ठूलो वृद्धि भएको छैन् ।
काउन्टपोइन्टको रिपोर्ट अनुसार, साओमी सन् २०२४ मा सबैभन्दा छिटो अघि बढ्ने स्मार्टफोन ब्रान्ड बन्न पुगेको छ । साओमीले अगस्ट महिनामा उत्कृष्ट प्रदर्शन गरेको छ, जसको फाइदा कम्पनीलाई भएको छ ।
प्रमुख बजारहरूमा गिरावट भए तापनि साओमीले आफ्नो रणनीतिको आधारमा राम्रो प्रदर्शन गरेको छ । सन् २०२२ र २०२३ को पहिलो क्वाटरमा कम्पनीको वृद्धिमा गिरावट भएको थियो, तर त्यसपछि साओमीले प्रतिस्पर्धामा पुनरागमन गरेको छ ।
आफ्नो उत्पादन, बिक्री र च्यानल रणनीतिमा परिवर्तनको कारण कम्पनीलाई अहिले फाइदा देखिएको छ । पछिल्ला केही त्रैमासिकमा साओमीका सबै प्रमुख बजारहरूमा आर्थिक पुनरुत्थान भएको छ ।
तल्लो मूल्य समूहको कारण माग बढेको छ र कम्पनीलाई फाइदा भएको छ । २०० डलर भन्दा कमको स्मार्टफोन बजारमा साओमीको निकै राम्रो सफलता पाएको छ । अब कम्पनीले प्रतिस्पर्धात्मक मूल्यमा फाइभजी उपकरणहरू पनि लन्च गर्दैछ ।
विशेष गरी रेडमी १३ र नोट १३ सिरिजको कारण कम्पनीलाई धेरै फाइदा भएको छ । रेडमीका स्मार्टफोनहरू निकै लोकप्रिय छन् र यसले कम्पनीलाई फाइदा पुर्याउँछ । दोस्रो स्थानमा साओमी पुग्नको मुख्य कारण पछिल्ला त्रैमासिकमा कम्पनीको राम्रो वृद्धि हो ।
अर्को तर्फ, एप्पलमा पनि यस सिजनको प्रभाव परेको छ । कम्पनीले नयाँ आईफोन सेप्टेम्बरमा सार्वजनिक गरेको छ, जसको कारण यो त्रैमासिकमा ब्रान्डको बिक्री कम हुन्छ । विशेष गरी अगस्ट महिनामा आईफोनको बिक्री कम रहन्छ । आईफोन १६ सिरिज बिक्रीमा आएपछि कम्पनीले पुनः आफ्नो स्थान फिर्ता गर्न सक्छ ।
पहिलो स्थानमा सामसंग कायम छ । किनकि, सेप्टेम्बरमा नयाँ आईफोन लन्च भएका छन् र केही दिनभित्र नै पर्वको सिजनको सुरुवात हुनेछ । यस्तो अवस्थामा एप्पलको फोनहरूको बिक्री बढ्ने अपेक्षा छ । कम्पनीले पुनः दोस्रो स्थान वा पहिलो स्थानमा पनि पुग्न सक्ने छ ।
