आईसीटी समाचार
सरकारले स्टार्टअप उद्यम कर्जाका लागि परियोजना पेश गर्न आह्वान गरेको छ । औद्योगिक व्यवसाय विकास प्रतिष्ठानले शुक्रबार सूचना प्रकाशित गर्दै स्टार्टअप उद्यम कर्जाका लागि परियोजना पेश आग्रह गरेको हो ।
स्टार्टअप उद्यम कर्जा कार्यविधि २०८० अनुसार स्टार्टअप उद्यम मापदण्ड पुरा गरेका तोकिएको क्षेत्रका नवीनतम ज्ञान, सोच, सीप र क्षमता भएका स्टार्टअपहरूलाई कर्जा प्रदान गरिने छ ।
कर्जाका लागि आगामी २१ दिनसम्म परियोजना पेश गर्नुपर्नेछ । सरकारले स्टार्टअपलाई ३ प्रतिशत ब्याजदरमा २५ लाखसम्म कर्जा उपलब्ध गराउने छ । कर्जाका लागि परियोजना नै धितोको रूपमा हुनेछ ।
स्टार्टअप उद्यम कर्जाका लागि यहाँ क्लिक गरी परियोजना प्रस्तावको ढाँचा डाउनलोड गरेर त्रिपुरेश्वरमा रहेको प्रतिष्ठानको कार्यालयमा बुझाउनु पर्नेछ ।
यो पनि पढ्नुहोस
