आईसीटी समाचार
नेपाल टेलिकमले कन्भरजेन्ट रियल टाइम बिलिङ प्रणाली सफल रूपमा सञ्चालन गर्न नसक्दा करिब ५२ लाख ६७ हजार रूपैयाँ राजस्व गुमेको छ ।
महालेखापरीक्षकको ६१ औं प्रतिवेदनले आर्थिक वर्ष २०७९-८० मा कन्भरजेन्ट रियल टाइम बिलिङ प्रणाली सफल रूपमा सञ्चालन हुन नसकेकोले करिब रू.५२ लाख ६७ हजार राजस्व गुमेको तथ्य औंल्याएको हो ।
६ महिना अघिसम्मको ब्याकअप डाटा पुनः प्राप्त गर्न नसकिएका कारण यथार्थ बिलिङ सुनिश्चित गर्न सकेको नसकेको महालेखाको भनाइ छ ।
संस्थाले भविष्यमा हुने नोक्सानीलाई न्यूनीकरण गर्न प्रणालीको प्रभावकारिता सुनिश्चितता गर्न समेत महालेखाले सुझाव दिएको छ ।
