कीवर्डहरू -

टिकटक प्रतिबन्धको समय नजिकिँदै, कसले खरिद गर्ला अमेरेकी स्वामित्व ?

टिकटक प्रतिबन्धको समय नजिकिँदै, कसले खरिद गर्ला अमेरेकी स्वामित्व ?

अमेरिकामा छोटो भिडियो एप टिकटकलाई प्रतिबन्ध लगाउने मिति नजिकिँदै गर्दा टेक कम्पनीहरूबीच यसलाई किन्ने प्रतिस्पर्धा तीव्र हुँदै गएको छ । यसैबीच, अमेजनले टिकटक किन्नका लागि अन्तिम समयमा ठूलो खेल खेलेको छ ।

यदि टिकटकलाई कुनै खरिदकर्ता मिलेन भने अमेरिकामा शनिबारदेखि यो एप प्रतिबन्धित हुनेछ । सूत्रहरूका अनुसार, अमेजनले आफ्नो प्रस्ताव अमेरिका उपराष्ट्रपति जेडी वेंस र वाणिज्य सचिव हावर्ड लुटनिकलाई पत्रमार्फत पठाएको छ । तर, हालसम्म अमेजनले यसबारे कुनै आधिकारिक घोषणा गरेको छैन् ।

टिकटकको मूल कम्पनी बाइटडान्स चीनको हो र अमेरिकाले आशंका व्यक्त गरेको छ कि यस एपले प्रयोगकर्ताहरूको डेटा चीन सरकारसँग साझा गर्न सक्छ । यसै कारणले अमेरिकी सरकारले एउटा कानुन पारित गरेको थियो, जसअनुसार बाइटडान्सले टिकटकको स्वामित्व कुनै अमेरिकी कम्पनीलाई हस्तान्तरण गर्नु पर्ने वा देशभित्र यसको सञ्चालन रोक्नु पर्नेछ ।

बाइटडान्सले प्रयोगकर्ताहरूको ब्राउजिङ हिस्ट्री, लोकेसन, र बायोमेट्रिक डेटा जस्ता संवेदनशील जानकारी चीन सरकारलाई दिन सक्ने एफबीआई र फेडरल कम्युनिकेशन्स कमिसन (एफसीसी) ले चेतावनी दिएका छन् । टिकटकले भने यस्तो आरोप अस्वीकार गर्दै अमेरिकी सरकारलाई यस्ता दाबीहरू पुरा प्रमाण नभएको बताएको छ ।

राष्ट्रपति डोनाल्ड ट्रम्पले टिकटक प्रतिबन्धमा केही समयको राहत दिएका थिए, तर उनले संकेत गरेका छन् कि यदि शनिबारसम्म कुनै सम्झौता भएन भने प्रतिबन्ध लागु हुनेछ ।

टिकटक किन्ने प्रतिस्पर्धामा को–को छन् ?

टिकटकको अमेरिकी सञ्चालन किन्ने दौडमा विभिन्न ठूला कम्पनीहरू छन् ।

ओरेकल : टिकटक ग्लोबलमा पहिले नै १२.५ प्रतिशत हिस्सा राख्ने ओरेकलले यसलाई पूर्ण रूपमा किन्न चाहेको छ ।

ब्ल्याकस्टोन : यो लगानी फर्मले पनि टिकटक किन्नमा चासो देखाएको छ ।

पप्र्लेक्सिटी एआई : यो एआई स्टार्टअपले टिकटकको अमेरिकी व्यवसायलाई आफ्नो कम्पनीमा मर्ज गर्ने प्रस्ताव राखेको छ र यसको एल्गोरिदमलाई अमेरिकी डेटा सुरक्षाका मापदण्डअनुसार पुनः विकास गर्ने बताएको छ । 

बिलियनेयर फ्रैंक म्याककर्डको कन्सोर्टियमः यस समूहले टिकटक किन्न २० बिलियन डलरको प्रस्ताव गरेको छ, जसमा रेडईटका सह–संस्थापक एलेक्सिस ओहानियन पनि सल्लाहकारका रूपमा छन् ।

अन्य प्रतिस्पर्धीहरूः एम्प्लोयर डट कमका संस्थापक जेसी टिन्सलीले ३० बिलियन डलर र वायोमिङका व्यवसायी रीड रैस्नरले ४७.५ बिलियन डलरको प्रस्ताव राखेका छन् ।

टिकटकको भविष्य के होला?

टिकटक बिक्रि हुने वा प्रतिबन्ध लाग्ने भन्ने निर्णय अमेरिकी प्रशासनको नीति र सम्झौताको स्थितिमा निर्भर रहनेछ । रोचक कुरा के छ भने, स्वयं ट्रम्पका टिकटकमा लाखौँ फलोअर्स छन्, र उनले यसलाई युवा मतदातासम्म पुग्ने महत्त्वपूर्ण प्लेटफर्मको रूपमा लिएका छन् ।

अब मुख्य प्रश्न यो छ कि अमेजनको अन्तिम बोलीले टिकटकलाई अमेरिकामा बचाउन सक्ला, वा अमेरिकी प्रयोगकर्ताहरूका लागि यो एप इतिहास बन्नेछ? शनिबार यसबारे ठूलो निर्णय आउन सक्नेछ ।