काठमाडौं । नेपाल एसोसिएसन फरसफ्टवेयर एण्ड आईटीसर्भिसेस कम्पनीज (NAS-IT) ले आगामी नोभेम्बर २१–२२, २०२६ मा हेरिटेज गार्डेन, सानेपा, ललितपुर मा NAS-IT Expo 2026 आयोजना गर्ने घोषणा गरेको छ ।

दुई दिने यस प्रदर्शनीले नेपालको सूचना प्रविधि (आईटी) क्षेत्रका कम्पनी, व्यवसाय, नीतिनिर्माता, लगानीकर्ता, उद्यमी, विद्यार्थी तथा प्रविधिप्रेमीलाई एउटै मञ्चमा ल्याई नवप्रवर्तन, सहकार्य र व्यावसायिक अवसर विस्तार गर्ने लक्ष्य राखेको NAS-IT ले जनाएको छ ।

गत वर्ष सम्पन्न NAS-IT Expo 2025 को सफलतालाई निरन्तरता दिँदै यस वर्षको एक्स्पो अझ व्यापक र प्रभावकारी हुने आयोजकको विश्वास छ । एक्स्पोमार्फत प्रविधि कम्पनीहरूले आफ्ना नवीनतम उत्पादन तथा समाधान प्रदर्शन गर्ने, सम्भावित ग्राहक र व्यवसायसँग प्रत्यक्ष रूपमा जोडिने तथा दीर्घकालीन साझेदारी विस्तार गर्ने अवसर प्राप्त गर्नेछन् ।

साथै, यसले नेपालको डिजिटल रूपान्तरणलाई थप गतिदिने अपेक्षा गरिएको छ । सन् २०२५ मा आयोजित NAS-IT Expo मा २,५०० भन्दा बढी सहभागी तथा ३० भन्दा बढी प्रविधि कम्पनीहरूको सहभागिता रहेको थियो ।

उद्योगका अग्रणी व्यक्तित्व, सरकारी प्रतिनिधि, विभिन्न देशका राजदूत, लगानीकर्ता, कर्पोरेट प्रतिनिधि, स्टार्टअप, विद्यार्थी तथा प्रविधिप्रेमीहरूको उल्लेखनीय उपस्थिति रहेको उक्त प्रदर्शनीलाई नेपालको सबैभन्दा ठूलो व्यवसाय–केन्द्रित प्रविधि प्रदर्शनीमध्ये एकका रूपमा स्थापित भएको आयोजकले जनाएको छ ।

गत वर्षको सफलताका आधारमा यस वर्षको NAS-IT Expo 2026 ले नेपालको बढ्दो प्रविधि क्षमतालाई अन्तर्राष्ट्रिय स्तरमा प्रवर्द्धन गर्दै स्थानीय आईटी समाधानहरूको बजार विस्तारमा योगदान पुर्‍याउने अपेक्षा गरिएको छ ।

एक्स्पोले प्रविधि कम्पनी र विभिन्न उद्योगबीच सहकार्यको वातावरण सिर्जना गर्दै नवप्रवर्तन, ज्ञान आदानप्रदान तथा नेपालको डिजिटल अर्थतन्त्रको दिगो विकासमा महत्वपूर्ण भूमिका खेल्ने विश्वास गरिएको छ ।

यस वर्षको एक्स्पोका प्रमुख आकर्षण
- अग्रणी आईटी कम्पनी तथा नवप्रवर्तनशील स्टार्टअपहरूको प्रविधि प्रदर्शनी ।
- व्यवसायका वास्तविक चुनौती समाधानगर्ने उत्पादन तथा प्रविधि समाधानहरूको प्रदर्शन ।
- प्रविधि कम्पनी, व्यवसाय, लगानीकर्ता तथा सरोकारवालाबीच नेटवर्किङ तथा सहकार्यका अवसर।
- डिजिटल रूपान्तरण, कृत्रिम बौद्धिकता (AI), साइबर सुरक्षा, क्लाउड कम्प्युटिङ तथा उदीयमान प्रविधि सम्बन्धी ज्ञानमूलक सत्र ।
- नयाँ व्यापारिक साझेदारी, लगानी तथा नेपालको प्रविधि क्षेत्रका पछिल्ला विकासबारे जानकारी प्राप्त गर्ने अवसर ।

प्रदर्शनीमा सहभागिता, आगन्तुक दर्ता, कार्यक्रमको विस्तृत कार्यसूची, वक्तातथा साझेदारीसम्बन्धी थपविवरण आगामी दिनमासार्वजनिक गरिने आयोजकले जनाएको छ ।

कार्यक्रम विवरण
मिति: नोभेम्बर २१–२२, २०२६
स्थान: हेरिटेज गार्डेन, सानेपा, ललितपुर