समाचार
१७ अस्पतालका उपकरण मर्मत सम्भारका लागि स्वास्थ्य मन्त्रालय र आविष्कार केन्द्रबीच सम्झौता
स्वास्थ्य तथा जनसङ्ख्या मन्त्रालय र राष्ट्रिय आविष्कार केन्द्रबीच संघीय सरकारमातहतका १७ अस्पतालमा रहेका उपकरणको मर्मत–सम्भार र व्यवस्थापन गर्ने सम्बन्धमा सहकार्य गर्ने सम्झौता भएको छ।
स्वास्थ्यमन्त्री प्रदीप पौडेलको उपस्थितिमा मन्त्रालयमा बुधबार आयोजित कार्यक्रममा मन्त्रालयका गुणस्तर मापन तथा नियमन महाशाखा प्रमुख डा. मदन उपाध्याय र आविष्कार केन्द्रका अध्यक्ष डा. महावीर पुनबीच उक्त सम्झौतापत्रमा हस्ताक्षर गरिएको हो।
स्वास्थ्यमन्त्री पौडेलले सो अवसरमा भने, “हामीले साधन–स्रोत बढाएर तत्काल आवश्यकताअनुसारका उपकरण खरिद गर्न सक्ने अवस्था छैन, त्यसकारण अहिले हामीसँग भएका उपकरणलाई बढीभन्दा बढी प्रयोगमा ल्याउने सन्दर्भमा गरिएको सम्झौता महत्त्वपूर्ण प्रयास रहेको छ।’’ उनले थपे, “अस्पतालमा प्रयोग हुन नसकेर थन्किएका उपकरणलाई प्रयोगमा ल्याउन सकिएमा नयाँ खरिद गर्न लाग्ने ठूलो खर्च जोगिनेछ। मर्मत र व्यवस्थापनमा थोरै खर्च लाग्ने हुँदा यो सम्झौता महत्वपूर्ण छ।’’
मन्त्री पौडेलले उपकरणलाई चुस्त र व्यवस्थित राख्न आवश्यक रहेको र यसका लागि आविष्कार केन्द्रसँग सहकार्य गर्न लागिएको बताए। उनले भने, “मर्मत र अरू ढंगले उपयोगमा ल्याउन नसकिने सामग्री अस्पतालमा छन्, प्रयोगमा आउने र नआउने छुट्याएर सोही अनुरुप व्यवस्थापन गर्न जरुरी छ। यसरी काम गर्दा अस्पताल सफा हुनेछ र कम खर्चमा उपकरण प्राप्त गर्न सकिनेछ।”
केन्द्रका अध्यक्ष पुनले स्वास्थ्य क्षेत्र सुधारका सन्दर्भमा आविष्कार केन्द्रले अर्को महत्त्वपूर्ण जिम्मेवारी पाएको प्रतिक्रिया दिए। उनले भने, “यो जिम्मेवारी भनेको संघीय सरकारअन्तर्गत रहेका अस्पतालमा बिरामीको स्वास्थ्य परीक्षण गर्ने बायोमेडिकल उपकरण मर्मत गर्ने र ती उपकरणको अवस्था के–कस्तो छ भनी यकिन गर्ने हो।”
केंद्रले ती अस्पतालमा रहेका उपकरणहरूको स्थिति के–कति प्रयोगमा आउनसक्ने र कुन अवस्थामा छन् भनी यकिन गर्नेछ। मर्मत गर्न सकिने भए बनाउने र नसकिने भए सोही अनुसारको रायसुझाव मन्त्रालयलाई दिनेछ। अध्यक्ष पुनले यो जिम्मेवारी नागरिकको स्वास्थ्यसँग सम्बन्धित रहेको र उपकरणलाई ठिक अवस्थामा राख्न सकिए धेरैको ज्यान बचाउन सकिने बताउँदै, “लाखौँ नागरिकले यसको सेवा लिन सक्छन्। यसैले यो सानोतिनो जिम्मेवारी होइन।”
आविष्कार केन्द्रले इमान्दारीपूर्वक राष्ट्र र जनताको सेवा गर्ने प्रतिबद्धता जनाउँदै अध्यक्ष पुनले विगतका अनुभवले काम पूरा गर्ने विश्वास व्यक्त गरे।
सम्झौताअनुसार, केन्द्रका प्रतिनिधिहरू सबै अस्पतालमा गएर त्यहाँ प्रयोग नभएका र सूचीकृत सामानको पहिचान गरी सोही अनुरुपको प्रतिवेदन दिनेछन्। यसरी उपकरण व्यवस्थापनमा महत्वपूर्ण सहयोग पुग्नेछ, र सरकारको एक मन्त्रालयले प्राविधिक रूपमा काम गराउन आविष्कार केन्द्रलाई विश्वास गर्न सुरु गरेको छ।
समाचार
सिटिजन्स बैंक पार्टनर फर प्रोग्रेस भिडियो प्रतियोगिताका विजेतालाई पुरस्कार प्रदान
सिटिजन्स बैंक इन्टरनेसनल लिमिटेडले आयोजना गरेको पार्टनर फर प्रोग्रेस (हजुरको प्रगतिको सहयात्री) फेसबुक भिडियो प्रतियोगिताका विज…
अनुसन्धानका लागि युवा वैज्ञानिकहरूलाई १२ लाखसम्म अनुदान दिदै नास्ट, प्रस्ताव पेश गर्न आह्वान
नेपाल विज्ञान तथा प्रविधि प्रज्ञा प्रतिष्ठान (नाष्ट) ले अनुसन्धानका लागि युवा वैज्ञानिकहरूलाई बजेट उपलब्ध गराउने भएको छ ।
सामाजिक सञ्जाल बन्दैछ मानव बेचबिखनको जालो
एसइई परीक्षाको नतिजा आउन बाँकी थियो। कैलालीका चार किशोरीहरुले घर खर्च जुटाउन जागिर गर्ने निधो गरे। उनीहरुको चाहनाअनुरुप गा…
राइड सेयरिङ प्लेटफर्म टुटलको डेलिभरी सेवामा तीन सुविधा उपलब्ध
नेपालको पहिलो राइड सेयरिङ प्लेटफर्म टुटलले डेलिभरी प्लेटफर्ममा तीन प्रमुख सेवा उपलब्ध गराउने घोषणा गरेको छ ।
यस अनुसार अब टुटलको डेलिभरी…
सोलुखुम्बुको थामेमा नेपाल टेलिकमको सेवा सुचारू
सोलुखुम्बुको थामेमा नेपाल टेलिकमको सेवा सुचारू भएको छ । साउन ३२ गते हिमताल फुटेर आएको बाढीले गर्दा खुम्बु बिजुली कम्पनीमा स…
प्राविधिक समस्या आएपछि इसेवाको सेवा अवरूद्ध
डिजिटल वालेट इसेवाको सेवा अवरूद्ध भएको छ । प्राविधिक समस्या आएपछि अस्थायी रूपमा इसेवाको सेवा अवरूद्ध भएको हो ।
…
अब फोन चोरी भएपनि डेटा चोरी नहुने, के हो एन्ड्रोइड १५ को थेफ्ट डिटेक्शन लक फिचर ?
स्मार्टफोन महँगो होस् या सस्तो । कुनै पनि प्रयोगकर्ताका लागि यो एउटा मूल्यवान डिभाइस हो । यहाँ हामीले मूल्यवान भन्नुको अर्थ …
एपिगा नेपाल २०२४ आयोजना गर्दै क्यान महासंघ, भदौ ४ सम्म अनलाइन आवेदन खुला रहने
कम्प्युटर एसोसिएसन नेपाल महासंघ (क्यान महासंघ) को आयोजनामा एशिया प्यासिफिक इन्टरनेट गभर्नेन्स एकेडेमी (एपिगा) नेपाल २०२४ हुने …
सोसल इन्नोभेसन आइसिटी अवार्ड २०२४ को आवेदन खुला, क-कसले दिन पाउँछन् आवेदन ?
सोसल इन्नोभेसन आइसिटी अवार्ड २०२४ को आवेदन खुला भएको छ ।
समाजको डिजिटल रूपान्तर…
बालबालिकाका लागि राष्ट्रियस्तरको कोडिङ कम्पिटिसन हुँदै, कसरी सहभागी हुने ?
डिस्कभरी एजुकेसन नेटवर्क यूके र एडुटेकको सहयोगमा नेपालमा पनि बालबालिकाका लागि राष्ट्रियस्तरको कोडिङ कम्पिटिसन ‘Discover…
आइएमईका सीईओ दिवाकर पौडेलको सम्हाले कार्यभार, डिजिटल रेमिटेन्स मुख्य प्राथमिकतामा
आइएमई लिमिटेडको नवनियुक्त प्रमुख कार्यकारी अधिकृत दिवाकर पौडेलले कार्यभार सम्हालेका छन् । आइएमई र जीएमई रेमिट एक …
बेलायतमा रहेका नेपालीहरूले अब एपबाटै नेपालमा रेमिट्यान्स पठाउन सक्ने
निओ मनि ट्रान्सफर र बेलायतको मनिटु लिमिटेडबीच रेमिट्यान्स् भुक्तानीका लागि सहकार्य भएको छ । सहकार्यसँगै अबदेखि बेलायतमा बसिरहेक…
राष्ट्र बैंकमा आईटी पढेकालाई रोजगारीको अवसर, कसरी दिने आवेदन ?
नेपाल राष्ट्र बैंकमा रोजगारीको अवसर खुलेको छ । शुक्रबार नेपाल राष्ट्र बैंकले सूचना प्रविधि सहायक पदमा आवेदन माग गरेको हो ।&nb…
सार्वजनिक यातायातमा जीपीएस र गति सीमित गर्ने उपकरण जडान गर्न सरकारको निर्देशन
गृह मन्त्रालयले सार्वजनिक यातायातमा जीपीएस ट्रयाकिङ प्रणाली र गति सीमित गर्ने उपकरण जडान गर्न व्यवसायीलाई निर्देशन दिएको छ ।
राष्ट्रिय यातायात व्यवस…
गोरखाको अत्यन्त विकट उत्तरी भेगको तिब्बत नाकामा टेलिकमको मोबाइल सेवा विस्तार
नेपाल टेलिकमले गोरखा जिल्लाको भौगोलिक रुपमा अत्यन्त विकट उत्तरी भेगको तिब्बत नाका तर्फको मार्ग, मनास्लु हिमाल क्षेत्र, मनास्लु पदमार्ग तथा संरक्षण क्षेत्र, लार्के…