समाचार

कर्पोरेट पेको ५० दिनः ५० करोड कारोबार, ५० व्यवसाय आवद्ध

शुक्रबार, २१ फागुन, २०७७

कर्पोरेट पे शुरू भएको ५० दिनमा आइपुग्दा ५० करोड भन्दा बढीको भुक्तानी कारोबार फर्छौट भएको छ । बैंक वित्तीय संस्थाहरुका साना तथा मझौला व्यवसाय लगायत विभिन्न संस्थालाई सहज रुपमा डिजिटल भुक्तानी गर्न सक्ने गरी कर्पोरेट पे प्राणाली संचालनमा आएको थियो ।

यस प्रणाली मार्फत अन्तर बैंक र सोही बैंकको फण्ड ट्रान्स्फर, तलब भुक्तानी, भेण्डर पेमेन्ट, नेपाल सरकारको राजस्व भुक्तानी तथा अन्य विभिन्न सेवा सम्बन्धी भुक्तानी गर्न सकिन्छ ।

त्यस्तै व्यावसायिक ग्राहक एवं सेवा प्रदान गर्ने बैंक तथा वित्तीय संस्थाको लागि आवश्यक आन्तरिक नियन्त्रणको समेत उपयुक्त व्यवस्था रहेको छ ।

यी भुक्तानीहरू व्यावसायिक ग्राहकले छनोट गरे बमोजिम कनेक्ट आईपीएस मार्फत रियल टाइममा र एनसीएचएल आईपीएस मार्फत नन रियल टाइममा गर्न सकिन्छ ।

साथै यस प्रणालीमा ग्राहकले एकभन्दा बढी बैंक खाताहरु लिन्क गरी कारोबारहरु गर्न सक्ने व्यवस्था पनि रहेको छ ।

नेपाल क्लियसरिङ हाउसले कर्पोरेट पे प्रणाली थालनी भएको छोटो समयमा नै यसको लोकप्रियता तथा प्रयोगले डिजिटल भुक्तानी क्षेत्रलाई थप प्रवद्र्धन गर्ने विश्वास लिएको छ ।

नेपाल क्लियरिङ हाउस लिमिटेडद्वारा सञ्चालन गरिएको उक्त प्राणालीमा आबद्ध हुन ग्राहकले आफ्नो बैंक सँग सम्पर्क गर्नुपर्ने हुन्छ ।

हाल २५ भन्दा बढी बैंक वित्तीय संस्थाहरु मार्फत उक्त प्राणाली प्राप्त गर्न सकिन्छ र आफ्ना थप ग्राहकहरुलाई प्रणालीमा आबद्ध गराउँदै आएका छन् ।