सातै प्रदेशका सात उत्कृष्ट स्टार्टअपलाई प्रोभिन्स स्टार्टअप आइसिटी रिकग्निसन २०२४ बाट सम्मानित गरिएको छ ।

शुक्रबार ह्यात रिजेन्सी काठमाडौंमा आयोजना भएको इन्ड्राइभ आइसिटी अवार्ड २०२४ सपोर्टेड बाई एनसेल फाउन्डेसन इन एशोशिएसन विथ नेपालपे क्युआर, जेनस एण्ड जुमको ग्राण्ड फिनाले कार्यक्रममा सात प्रदेशका सात स्टार्टअपलाई प्रोभिन्स स्टार्टअप आइसिटी आइसिटी रिकग्निसनबाट सम्मान गरिएको हो । 

सातै प्रदेशका उत्कृष्ट स्टार्टअपलाई सम्मान र प्रोत्सान गर्ने उद्देश्यले प्रोभिन्स स्टार्टअप आइसिटी रिकग्निसन २०२४ प्रदान गरिएको छ । यस विधामा गत पाँचवर्षको अवधिमा सञ्चालन भएका स्टार्टअप सहभागी हुन पाउने व्यवस्था थियो । 

प्रोभिन्स स्टार्टअप आइसिटी रिकग्निसन २०२४ को लागि अनलाइन मार्फत खुल्ला गरिएको नोमिनेसनमा सातै प्रदेशबाट १५० बढीको आवेदन प्राप्त भएकी थियो ।

यस वर्ष कोशी प्रदेशबाट डेल्टा टेक प्रालि, मधेश प्रदेशबाट तेजस टेक प्रालि, बागमती प्रदेशबाट अभियान्त्रिक कर्मशाला प्रालि, गण्डकी प्रदेशबाट आकाश डिजिटल प्रालि, लुम्बिनी प्रदेशबाट निन्जा इन्फोसिस प्रालि, कर्णाली प्रदेशबाट बिजनेश अनलाइन सर्भिस प्रालि र सुदूरपश्चिम प्रदेशबाट फार वेस्ट इन्फोटेक एण्ड रिसर्च सेन्टर प्रोभिन्स स्टार्टअप आइसिटी रिकग्निसन २०२४ बाट सम्मानित भएका छन् । 

आइसिटी अवार्डले काठमाडौमा मात्र सिमित नभएर देशका सातै प्रदेशमा बसेर काम गरिरहेका स्टार्टअप र इन्नोभेसनलाई खोज्ने प्रयास गरिरहेको छ । 

अवार्डको तयारीको सिलसिलामा नै सातै प्रदेशमा स्टार्टअप मिटअप पनि आयोजना भएको थियो । सातै प्रदेशका स्टार्टअपका प्रतिनिधिहरु काठमाडौं आएर बुटक्याम्प, इन्डस्ट्री भिजिट र स्टार्टअप फेस्टमा सहभागी भएका थिए ।

यस्ता छन् अवार्ड पाउने सात प्रदेशका सात स्टार्टअप

डेल्टा टेक 

विराटनगर स्थित डेल्टाटेक प्रालिले डेल्टासेल्स एप इआरपी लगायत सफ्टवेयरहरुमा काम गरिरहेको छ, जसले नेपाल र भरतमा गरेर २५ बढिलाई रोजगारी प्रदान गरेको छ ।

तेजस टेक 

वीरगञ्जबाट सुरु भएको तेजस टेकले स्वास्थ क्षेत्रमा विभिन्न सफ्टवेयर र एप्लिकेसनमार्फत काम गरिरहेको छ । कम्पनीले २० बढीलाई रोजगरी सिर्जना गरेको छ ।

अभियान्त्रिक कर्मशाला

नेपालमै इभीका अटोमोवाइल्स र अन्य प्रविधिमा काम गरिरहेको अभियान्त्रिक कर्मशाला कम्पनी भक्तपुरमा अवस्थित छ । कम्पनीले १० बढीलाई रोजगारी दिइरहेको छ ।

आकाश डिजिटल

पोखरामा स्थापित आकाश डिजिटलले सहकारी तथा माइक्रोफाइनान्सलाई डिजिटलाइज गर्नेगरी देशैभरी सेवा विस्तार गरिरहेको छ, जसमा २० बढी कर्मचारी रहेका छन ।

निन्जा इन्फो

​​​​​​​नेपालगञ्जमा अवस्थित निन्जा इन्फोसिसले स्थानिय पालिका प्रदेश र अन्य सस्थाहरुलाई सफ्टवेयर र आइटी सेवा प्रदान गरिरहेको छ । यसमा २० बढीले रोजगारी प्राप्त गरेका छन ।

बिजनेश अनलाइन सर्भिस 

सुर्खेतमा रहेका बिजनेश अनलाइनले डिजिटल मार्केटिङ र आइटी सर्भिसमा काम गरिरहेको छ । कम्पनीले ५ जनालाई रोजगारी प्रदान गरेको छ ।

फार वेस्ट इन्फोटेक एण्ड रिसर्च सेन्टर 

धनगढीमा रहेको फार वेस्ट इन्फोटेक एण्ड रिसर्च सेन्टर कम्पनीले आइटी रिसर्च र सर्भिसमा काम गरिरहको छ । कम्पनीमा अहिले १० जनाले काम गरिरहेका छन् ।