सन् २०२४ को अन्त्य हुन अब डेढ महिनाभन्दा कम समय बाँकी छ । यस वर्ष सबै ब्रान्डहरूले आफ्ना फ्ल्यागशिप स्मार्टफोन सार्वजनिक गरेका छन् ।

एप्पलको आईफोन १६ सिरिजसहित ओप्पो, भिभो र टेक्नो जस्ता कम्पनीहरूले यस वर्ष फ्ल्यागशिप फोन सार्वजनिक गरेका छन् वा गर्ने क्रममा छन् ।

यो क्रम आगामी समयमा पनि जारी रहनेछ । यहाँ हामी ती स्मार्टफोनहरूको चर्चा गर्दैछौं, जुन यस वर्ष निकै चर्चामा रहे ।  

आईफोन १६ सिरिज  

यस वर्षको सबैभन्दा फ्ल्यागशिप र एडभान्स सिरिज आईफोन १६ हो । एप्पलले इन्टेलिजेन्स फिचरले भरिपूर्ण यो सिरिजलाई २०२४ सेप्टेम्बर ९ मा ग्लोबल मार्केटमा सार्वजनिक गरेको थियो । यसमा चार मोडेल आईफोन १६, आईफोन १६ प्लस, आईफोन १६ प्रो र आईफोन १६ प्रो म्याक्स समावेश छन् । 

वानप्लस १३  

वानप्लस १३ ग्लोबल मार्केटमा सार्वजनिक भइसकेको छ । कम्पनीले नोभेम्बर वा डिसेम्बर महिनामा वनप्लस १३ सार्वजनिक गर्न सक्छ । यो स्मार्टफोन स्न्यापड्रागन ८ जेन ४ चिपसेटद्वारा सञ्चालित हुनेछ र यसमा ६००० एमएएच क्षमताको ब्याट्री हुन सक्छ, जसले फास्ट चार्जिङलाई समर्थन गर्नेछ ।  

टेक्नो फ्यान्टम भी फोल्ड २ र भी फ्लिप २  

टेक्नो फ्यान्टम भी फोल्ड २ र भी फ्लिप २ फोल्डेबल सेग्मेन्टमा यसै वर्ष सार्वजनिक हुने अपेक्षा गरिएको छ । यी स्मार्टफोन क्रमशः मीडियाटेक डाइमेन्सिटी ९०००ं र मीडियाटेक डाइमेन्सिटी ८०२० एसओसीद्वारा सञ्चालित हुनेछन् । 

 भिभो एक्स २०० सिरिज  

अपकमिङ फ्ल्यागशिप लाइनअपमा थुप्रै मोडेलहरू समावेश हुने अपेक्षा गरिएको छ, जस्तै भिभो एक्स २००, भिभो एक्स २०० प्लस, र भिभो एक्स २०० प्रो । पछिल्ला केही हप्तादेखि यस सिरिजबारे धेरै समाचारहरू आइरहेका छन् । यसको सटीक मिति घोषणा गरेको छैन् । यसमा मीडियाटेक प्रोसेसर र १२० हर्ज रिफ्रेस रेटसहितको डिस्प्ले हुनेछ ।  

ओप्पो फाइन्ड एक्स एट सिरिज  

ओप्पोले आफ्नो फ्ल्यागशिप सिरिज अन्तर्गत फाइन्ड एक्स एट र फाइन्ड  एक्स एट प्रो स्मार्टफोन सार्वजनिक गरेको छ । यी दुवै फोनमा फ्ल्यागशिप मीडियाटेक डाइमेन्सिटी ९४०० प्रोसेसर, क्वाड–क्यामेरा सेटअप, एन्ड्रोइड १५ आधारित कलरओएस १५ र क्विक चार्जिङ ब्याट्रीजस्ता फिचरहरू समावेश छन् । यी फोन ३ डिसेम्बरदेखि ओप्पो ई–स्टोर, रि रिटेल आउटलेटहरूमा उपलब्ध हुनेछन् ।