एन्ड्रोइड फोनमा स्क्रीनको दायाँ भागमा बलेको हरियो बत्तिले के संकेत गर्छ ?

एन्ड्रोइड फोन प्रयोग गर्दा, के तपाईंले कहिलेकाहीं डिस्प्लेमा हरियो बत्ती झिमिक झिमिक गरिरहेको याद गर्नुभएको छ ? यदि हो भने के तपाईलाई यो हरियो डटको अर्थ थाहा छ ?

धेरै स्मार्टफोन प्रयोगकर्ताहरूले फोनका यी साना गतिविधिहरूलाई बेवास्ता गर्छन् । एन्ड्रोइड फोन प्रयोग गर्दा फोनमा भएका हरेक साना गतिविधिले सुरक्षाको दृष्टिकोणले तपाईंलाई महत्त्व दिन्छ ।

एन्ड्रोइड फोन प्रयोगकर्ताहरूको लागि धेरै सुरक्षा र गोपनीयता सुविधाहरूको साथ आउँछन् । यी मध्ये एउटा फिचर फोनमा ब्लिंकिङ हरियो बत्तीको साथ देखिन्छ ।

तपाईंको फोनमा माइक्रोफोन, क्यामेरा र जिपिएस प्रयोगमा हुँदा यो हरियो डट झिम्किन्छ । यो हरियो डटको अर्थ फोनमा रहेको कुनै एपले तपाईको माइक्रोफोन, क्यामेरा र जीपीएस सेवाहरू प्रयोग गरिरहेको छ । यसको झिम्काइले एक सूचक जस्तै काम गर्दछ ।

वास्तवमा, एन्ड्रोइड फोनहरूमा प्रयोगकर्ताको गोपनीयता र सुरक्षा सुनिश्चित गर्न, गुगलले एन्ड्रोइड १२ मा यो सुविधा ल्याएको थियो ।

पृष्ठभूमिमा चलिरहेको कुनै पनि एपले प्रयोगकर्ताको फोनको विशेष सेटिङहरू प्रयोग गरिरहेको अवस्थामा यो प्रयोगकर्ताका लागि उपयोगी साबित हुन सक्छ । तपाईंले आफ्नो फोनको डिस्प्लेको माथिल्लो दायाँ कुनामा यो हरियो डट देख्न सक्नुहुन्छ ।

गुगलको यो सूचक सुविधाले तपाईको डाटालाई ह्याकरहरूबाट जोगाउन सक्छ । तपाईंले कुनै विशेष एपमा माइक्रोफोन, क्यामेरा र जिपिएस प्रयोग नगर्दा यो हरियो बत्ती झिम्किरहेको बेला यसले तपाईंलाई सचेत गराउन सक्छ ।

यसका लागि, तपाइँ पृष्ठभूमिमा चलिरहेको एपहरू क्लियर गर्न सक्नुहुन्छ र परमिसन म्यानेज सेटिङमा जानुहोस् ।