आईसीटी समाचार
गत साउन ३२ मा राजधानीमा भएकाे आइसिटी अवार्ड २०१९ अन्तर्गत महत्वपूर्ण विधा प्रडक्ट आइसिटी अवार्ड २०१९ मेडिफ्लो सिस्टम एन्ड सर्भिसेसले प्राप्त गर्न सफल भएको थियाे । ४० भन्दा बढी प्रडक्टलाई पछि पार्दै मेडिफ्लोले यो अवार्ड जितेको हो । यो प्रडक्टले शीर्ष ५ मा पर्न सफल विधाना, डेल्टा सेल्स एप, इन्स्पेला र एमबैंकलाई निर्णायकको मूल्याकंन र पब्लिक भोटिङको आधारमा पछि पार्यो र अवार्ड जित्न सफल भयो ।
यो विधामा गतवर्ष जेठ १५ गतेदेखि यस वर्ष जेठ १४ सम्म सार्वजनिक हुने प्रडक्टहरुले नोमिनेसन दर्ता गराएका थिए । २०१९ को जनवरीमा लञ्च भएको मेडिफ्लो सिस्टम एन्ड सर्भिसेस मेडिफ्लो सोलुसन्स प्रालिको प्रडक्ट हो । हस्पिटललाई अटोमेट गर्न ल्याइएको मेडिफ्लोले हस्पिटपलको प्रशासनिक व्यवस्थापनलाई डिजिटल बनाउँछ भने विभिन्न मोड्युलहरूलाई एकीकृत गरेर इलेक्ट्रोनिकल मेडिकल रिपोर्ट तयार पार्छ ।
‘आइसिटी अवार्ड पाएपछि हामीले झनै उत्साहजनक प्रतिक्रिया पाएका छौं । बजारमा गएर क्लाइन्टलाई कन्भिन्स गर्न धेरै सजिलो भएको छ । कतिपय क्लाइन्टहरू हामीलाई खोज्दै आउनु भएको छ,’ न्यौपानेले भने ।
मेडिफ्लो नेपालमा उपलब्ध सिस्टमध्ये इलेक्ट्रोनिक मेडिकल रिपोर्ट र हस्पिटल म्यानेजमेन्ट सिस्टम दुवै भएको एक मात्र सिस्टम भएको जनाइएको छ । यसले बिरामीको क्लिनिकल डाटालाई इलेक्ट्रोनिक वा क्लाउड सिस्टममा रेकर्ड राख्छ र आवश्यक परेको बेला तुरुन्तै डाटामा पहुँच राख्न सकिन्छ । त्यस्तै बिरामीले मोबाइल एप्लिकेशनबाटै आफूलाई चाहिने जानकारी र अपडेट लिन सक्छन् । रोगी वा बिरामीका लागि मात्रै नभइकन स्वास्थ्य सेवा दिने सबै संस्थाहरु, इन्स्योरेन्सर पेयर ग्रपहरू, डाक्टर र मेडिकल प्रोफेसनलहरू, रिसर्चर, पोलिसी मेकर र समग्रमा राज्य र देशका लागि नै यो प्रडक्ट उपयोगी रहेको कम्पनीका चिफ अपरेटिङ अफिसर सुरेन्द्र न्यौपानेले बताए ।
स्वाथ्य क्षेत्रमा सेवा सुदृढीकरण गर्न प्रयोग भइरहेको सफ्टवयेर ‘मेडिफ्लो’ लाई देशैभर विस्तार गर्न कम्पनी अग्रसर भइरहेको छ । ‘आइसिटी अवार्ड पाएपछि हामीले झनै उत्साहजनक प्रतिक्रिया पाएका छौं । बजारमा गएर क्लाइन्टलाई कन्भिन्स गर्न धेरै सजिलो भएको छ । कतिपय क्लाइन्टहरू हामीलाई खोज्दै आउनु भएको छ,’ न्यौपानेले भने ।
यो सफ्टवेयर छोटो समयमै २५ भन्दा धेरै स्वास्थ्य संस्थाहरुमा प्रयोग भइसकेको छ । यसले स्वास्थ्य संस्थाहरुको सेवा तथा प्रशासनिक प्रक्रियालाई डिजिटलमा लैजाने काम गर्छ । यो सफ्वटेयर विभिन्न मेडिकल रिपोर्टहरूलाई एकीकृत गरी इलेक्ट्रोनिक मेडिकल रेकर्ड तयार पार्छ भने यस्तो रिपोर्ट प्रयोगकर्ताले एपमार्फत हेर्न पाउँछन् । मेडिफ्लो सफ्टवेयरमार्फत हालै सिभिल अस्पतालले नेपालमा पहिलोपटक घरबाटै टिकट काटन सकिने प्रविधि सुरुवात गरेको छ । यस प्रविधिमार्फत नेपाल सरकारलाई चाहिएको बेला विभिन्न मेडिकलसम्बन्धी डाटासमेत दिन सकिने यसका विकासकर्ताले बताएका छन् । यो सफ्टवेयरलाई प्रभु ग्रूपले प्रवद्र्धन गरेको हो ।
स्वास्थ्य सेवामा सूचना प्रविधिको प्रयोग गरी सेवा प्रवाह गर्न मेडिफ्लोले विभिन्न योजना र कार्यक्रम समेत ल्याउँदै छ । विभिन्न सरोकारवाला निकायहरूसँग सहकार्य गर्दै स्वास्थ्य क्षेत्रलाई डिजिटाइज गर्ने र बिरामी, अस्पताल, डाक्टर सबैलाई सजिलो पार्न यो सफ्टवेयरले महत्वपूर्ण योगदान दिने गरी योजना अघि सारेको सिओओ न्यौपानेले बताए ।
हस्पिटल म्यानेजमेन्ट आफैमा पनि गाह्रो विषय हो र त्यसमाथि नागरिकलाई पनि यही एपबाट प्रत्यक्ष सेवा दिने काम मेडिफ्लोले गरिरहेको छ । ‘सामुदायिक अस्पताल र सरकारी अस्पतालमा सबैभन्दा ठूलो टाउको दुखाइ नै क्राउड म्यानेजमेन्ट हो । बिरामी जति संख्यामा आए पनि त्यसको व्यवस्थापन गर्न सजिलो होस् भन्ने अभिप्रायले यो प्रडक्ट ल्याएका हौं,’ उनले भने ।
याे पनि पढ्नुहाेस् : घरमै बसी अस्पतालको टिकेट काट्न सकिने, विराट मेडिकल कलेजमा यस्ताे सेवा सुरु
