आईसीटी समाचार
नेपालको प्रमुख डिजिटल भुक्तानी नेटवर्क फोनपेले ‘सुपर यात्रा’ अभियान घोषणा गरेको छ । दशैं र तिहार चाँडै नजिकिँदै गर्दा फोनपेले सुपर अभियान घोषणा गरेको हो ।
यस अफर अनुसार मोबाइल बैंकिङबाट हवाई टिकटको खरिदमा आकर्षक क्यासब्याक पुरस्कार प्रदान हुनेछ । नयाँ प्रयोगकर्ताहरूले पहिलो हवाई टिकट बुकिङमा ३०० रूपैयाँ क्यासब्याक प्राप्त गर्नेछन् भने विद्यमान प्रयोगकर्ताहरूले टिकट खरिदमा २०० रूपैयाँ क्यासब्याकको लाभ लिन सक्नेछन् ।
क्यासब्याक अतिरिक्त फोनपेले रोचक गिफ्टहरूको पनि घोषणा गरेको छ । हवाई टिकट काट्ने मध्येबाट एक भाग्यमानी विजेताले एक वर्षका लागि निःशुल्क हवाई टिकट प्राप्त गर्नेछन्, र हरेक हप्ता, पाँच भाग्यमानी सहभागीहरूले स्मार्टवाच जित्ने अवसर पाउनेछन् ।
सुपर यात्रा अभियानमार्फत ग्राहकहरूलाई सस्तो र सुविधाजनक यात्रा विकल्पहरू प्रदान गर्दै डिजिटल भुक्तानी अपनाउन प्रोत्साहित गर्न चाहेको फोनपेका सीएसओ सुभोद शर्माले बताए ।
