आईसीटी समाचार
नेपाली बजारमा अनरले ‘एक्स’ सिरिज अन्तर्गत नयाँ स्मार्टफोन उपलब्ध गराएको छ । अनरको आधिकारिक वितरक सेल्ट्रोन नेपालले नेपाली बजारमा ‘अनर एक्स ६ बी’ उपलब्ध गराएको हो ।
फोनमा लामो समयसम्म टिक्ने ब्याट्री, बढी स्टोरेज, स्तरीय क्यामेरा जस्ता फिचर रहेको कम्पनीको दावी छ । फोनमा ५० मेगापिक्सेलको मुख्य क्यामेरा २ मेगापिक्सेलको डेप्थ सेन्सर राखिएको छ भने ५ मेगापिक्सेलको सेल्फी क्यामेरा उपलब्ध रहेको छ ।
एकल चार्जमा दुई दिनसम्मको दैनिक प्रयोगको सुविधा दिँदै स्मार्टफोनको मूल भागमा पावर(कुशल मिडियाटेक हेलियो जी८५ लाई पावर गर्न ठूलो ५२०० एमएएच ब्याट्री राखिएको छ।
यो फोन ३५ वाट अनर सुपरचार्ज प्रविधिसँग सुसज्जित छ। प्रयोगकर्ताहरूले एकै ट्यापमा टर्बो चार्जिङ मोड सक्रिय गर्न सक्नेछन्।
एक हजार चार्ज साइकलपछि पनि ब्याट्रीले चार वर्षको भरपर्दो सेवाको बराबर आफ्नो क्षमताको ८० प्रतिशत कायम राख्ने कम्पनीको दाबी छ। अनर एक्स सिक्स बीमा १२८ जीबीको उच्च स्टोरेज रहेको छ, जसमा अनर र्याम टर्बो टेक्नोलोजी छ ।
यसमा ६ जीबी र्याम रहेको छ । फोनको फ्ल्यास मेमोरीको एक भाग प्रयोग गरेर उपलब्ध र्यामलाई ६ जीबीसम्म बढाउन सकिने छ ।
अनर एक्स सिक्स बी स्टेरी पर्पल, मिडनाइट ब्ल्याक र फरेस्ट ग्रिन तीन रंगमा उपलब्ध छ। यो फोनको मूल्य १६ हजार ९९९ रुपैयाँ तोकिएको छ ।
