स्नेहा झा
हाल बजारमा बजेट सेगमेन्टमा धेरै फाइभजी फोनहरू छन् । प्रत्येक टेक कम्पनीले उत्कृष्ट फाइभजी अनुभवको दाबी गरिरहेको छ, तर प्रश्न यो हुन्छ की कुन फाइभजी स्मार्टफोन बढि राम्रो छ ।
आज हामी तपाईलाई फाइभजी फोन खरिद गर्दा ध्यान दिनुपर्ने केही कुराहरु बताउन गइरहेका छौँ जसको मद्दतले तपाईले राम्रो फाइभजी स्मार्टफोन छनोट गर्न सक्नुहुनेछ ।
प्रोसेसर
तपाईंले यस्तो फोन किन्नु पर्छ जसको प्रोसेसर राम्रो फेब्रिकेशनको छ । हाल बजारमा ४ न्यानोमिटर फेब्रिकेसन प्रोसेसर भएका फोन छन् । यदि तपाइँ तिनीहरूलाई छान्नुहुन्छ भने उत्तम हुनेछ ।
यूएफएस मेमोरी
फोनमा डाटा ट्रान्सफरका लागि राम्रो प्रोसेसर र र्यामसँगै आन्तरिक मेमोरी पनि उत्तिकै महत्त्वपूर्ण छ । यदि तपाईको फोनको मेमोरीले यूएफएसलाई समर्थन गर्छ भने, फोन राम्रो छ भनेर बुझ्न सकिन्छ । हाल बजारमा ४.० यूएफएस फोनहरू छन् । यदि तपाईंले ३.० वा ३.१ यूएफएस प्रविधि भएको मोबाइल खरिद गर्नुभयो भने, यसले काम गर्नेछ ।
८ जीबी र्याम
यदि तपाई लामो समयसम्म फोन प्रयोग गर्न चाहनुहुन्छ भने कम्तीमा ८ जीबी र्याम भएको ५जी फोन किन्नुहोस् । यसका साथै र्याम डिडिआर फाइभ पनि छान्नुहोस् ।
ब्याट्री
फाइभजी फोनको ब्याट्री द्रुत रूपमा समाप्त हुन्छ । त्यसैले, कम्तिमा ४५०० एमएएचको ब्याट्री भएको फोन छान्नुहोस् ।
हाई रिजोल्युसन स्क्रिन
यदि फोन उच्च रिजोल्युसनको छ भने, द्रुत इन्टरनेट प्रयोग गर्न सहज हुनेछ । त्यसैले, उच्च रिजोलुसन पिक्सेल भएको ठूलो स्क्रिनलाई प्राथमिकता दिनुहोस् ।
रिफ्रेस रेट
कम्तिमा ९० हर्ज स्क्रिन रिफ्रेस दर भएको फाइभजी फोन किन्नुहोस् । यदि रिफ्रेसरेट १२० वा १४४ हर्ट्ज भन्दा बढी छ भने यो उत्तम हुन्छ । यसबाट तपाईले छिटो स्क्रोल गर्न कुनै समस्याको सामना गर्नु पर्दैन् ।
फास्ट चार्जिंग
फाइभजी फोनहरूमा ब्याट्री धेरै छिटो सकिन्छ । त्यसैले छिटो चार्ज गर्न आवश्यक छ । यदि ४४ वाट वा सो भन्दा बढीको फास्ट चार्जिंग भयो भने राम्रो हुन्छ ।
डल्बी इन्टीग्रेसन
डल्बी आफ्नो ध्वनि प्रविधिको लागि परिचित छ । यदि तपाईं ठूलो डिस्प्ले र सुपर–फास्ट इन्टरनेट भएको फाइभजी फोन किन्ने विचार गर्दै हुनुहुन्छ भने, डल्बी इन्टीग्रेसन खोज्नुहोस् । विशेष गरी यो मनोरन्जन वा गेमिङको लागि मोबाइल किन्दै हुनुहुन्छ भने काम लाग्ने गर्दछ ।
