आईसीटी समाचार
शारडा ग्रुपले बहुप्रतिक्षित चिनियाँ प्रिमियम इलेक्ट्रिक कार ब्राण्ड जिकर शारडा ग्रुपले ल्याउने भएको छ । जिकर ब्राण्डको नेपालको आधिकारिक बिक्रेता शारडा ग्रुप अन्तर्गतको पायोनियर मोटोकर्प प्रालि नियुक्त भएको हो ।
नेपालमा जिकर ब्राण्डको विद्युतीय गाडी बिक्री गर्न विभिन्न व्यापारिक घरानाले चासो देखाएका थिए । तर अन्ततः बाजी शारडा ग्रुपले मारेको हो ।
पायोनियर मोटोकर्पले जिकर एक्स मोडल नेपालमा ल्याउँदै छ । ४२५ किलोमिटर रेन्ज दिने जिकर एक्समा ६६ किलोवाटको ब्याट्री छ ।
३० मिनेटमा १५० किलोवाटको डिसी चार्जरले चार्जले गर्न सकिन्छ । राइट ह्याण्ड ड्राइभ मोडलको जिकर एक्स लेटेष्ट टेक्नोलोजी प्रयोग गरिएको कम्पनीको दाबी छ ।
यसमा ८.८ इन्च एलसीडी इन्स्ट्रुमेन्ट प्यानल, २४.३ इन्च हेड्स अप डिस्प्ले, १६.६ इन्च केन्द्रिय नियन्त्रण स्क्रिन रहेको छ भने क्वालकमको स्न्यापड्रयाग्न ८१५५ चीप प्रयोग गरिएको छ ।
जिकर एक्समा सुरक्षाका लागि इन्टेलिजेन्स ड्राइभर एसिसटेन्स सुविधा समेत रहेको छ, जसमा ५ वटा क्यामेरा, ५ मिलिमिटर वेब राडर डिभाइस र १२ अल्ट्रा सोनिक राडर डिभाइस रहेका छन् ।
