समाचार

स्थानीय सरकारलाई प्रभावकारी रूपमा सञ्चालन गर्न सघाउने एप ‘स्थानीय सरकार सञ्चालन पात्रो’

आइतबार, २५ मंसिर, २०७९

स्थानीय सरकार सञ्चालन पात्रो मोबाइल एप सार्वजनिक भएको छ । स्मार्ट पालिका प्रालिले तयार पारेको ‘स्थानीय सरकार सञ्चालन पात्रो’ एप आइतबार एक कार्यक्रमका बीच प्रधानमन्त्री शेर बहादुर देउवाले सार्वजनिक गरेका हुन् ।

स्थानीय सरकारलाई प्रभावकारी रूपमा सञ्चालन गर्न सघाउने उद्देश्यले एप निर्माण गरिएको स्मार्ट पालिका प्रमुख कार्यकारी अधिकृत (सीईओ) मनोज भण्डारीले बताए ।

आर्थिक वर्षमा आधारित स्थानीय सरकार सञ्चालन पात्रो एपमा पात्रोका साथै आगामी गतिविधिहरू हेर्न सकिने छ । स्थानीय तहले आफ्नो पात्रो अनुसार एपमा विवरण राख्न सक्नेछन् ।

एपमा आफुले गते अनुसार रिमाइन्डर पनि राख्न सकिने छ । यसका साथै नोट्समा क्लिक गरेर सो दिनका लागि जानकारीहरू लेख्न समेत सकिने जनाइएको छ ।

यसमा नोटिफिकेसनको सुविधा पनि रहेको छ । नोटिफिकेसनमा थिचेर महिनाभरका गतिविधिहरू थाहा पाउने सकिने स्मार्ट पालिकाले जनाएको छ ।

एपमै स्थानीय तहसँग सम्बन्धि जानकारीमूलक भिडियोहरू पनि हेर्न सकिने छ भने स्रोत सामग्रीहरू पढ्न पनि सकिने छ ।

स्थानीय सरकार सञ्चालन पात्रो एप गूगल प्लेस्टोर र एप्पलको एप स्टोरमा उपलब्ध रहेको छ । एन्ड्रोइडमा डाउनलोड गर्न यहाँ क्लिक गर्नुहोस् भने आईओएसमा डाउनलोड गर्न यहाँ क्लिक गर्नुहोस् ।