सामाजिक सञ्जालले विश्वलाई एउटा प्लेटफर्ममा ल्याएको छ । जहाँ विश्वभरका करोडौं व्यक्ति एकै ठाउँ बसेर छलफल गर्न सक्छन् । सञ्चार सम्प्रेषणमा यो धेरै प्रभावकारी पनि बनेको छ ।

हरेक वर्ष जुन ३० मा सोसल मिडिया डे मनाइन्छ । यो दिवस सन् २०१० जुन ३० देखि मनाउन सुरु गरिएको थियो ।
विश्व मै पहिलो सामाजिक सञ्जाल सिक्सडिग्रजी १९९७ मा आएको थियो । एन्ड्रिउ विइरेइचले सुरु गरेको पहिला सामाजिक सञ्जाल भने २००१ मा बन्द भयो ।

त्यसपछि भने विभिन्न सामाजिक सञ्जाल सुरु भए । सन् २००२ मा आधुनिक सामाजिक सञ्जाल सुरु भएपछि आजसम्म हजारौं सामाजिक सञ्जाल आएका छन् भने करोडौं व्यक्ति यसमा जोडिएका छन् । फेसबुक, युट्युव, ट्विटर जस्ता सामाजिक सञ्जाल सुरु भएपछि भने संसारको कुना कुनामा सामाजिक सञ्जाल पुग्यो ।

पछिल्लो समयमा सामाजिक सञ्जाल पनि केही क्षेत्रगत रुपमा फोकस गरेर पनि आउन थालेका छन् । जस्तो लिक्डइनले विजनेस फोकस गरेको छ भने इस्टाग्राम फोटोलाई लक्षित छ ।

नेसनल टुडे डट कम ले दिएका सोसल मिडियो सम्बन्धी केही तथ्यहरु यस्ता छन् ।

सोसल मिडिया डे टाइमलाइन

१९४० दशक– पहिलो सुपर कम्प्युटरको सुरुवात

१९९७– पहिलो सोसल नेटवर्क निर्माण

२००४– फेसबुक लाइभ

२००५– युट्युवको सुरुवात

नम्बरमा वल्र्ड सोसल मिडिया डे

–सोसल मिडिया प्रयोगकर्ता– ३ अर्ब ५० करोड

–एभरेजमा प्रत्येक व्यक्तिले प्रत्येक दिन सामाजिक सञ्जालमा विताउने समय– ३ घण्टा

–प्रत्येक दिन इस्टाग्राम स्टोरी प्रयोग गर्ने व्यक्ति– ५० करोड मिलियन

–प्रत्येक दिन ह्वाट्सएप र फेसबुक म्यासेन्जरमा पठाउने म्यासेजको संख्या– ६० अर्ब

–फेसबुकमा प्रत्येक व्यक्तिले औषत बिताउने समय– ३५ मिनेट

–अनुमानित औषत फेक फेसबुक प्रोफाइल– २७ करोड

–ट्विटर प्रयोगकर्ताका औषत फलोअर्स–७०७

–प्रत्येक दिन इस्टाग्राममा फोटो अपलोड– ९ करोड ५० लाख

सोसल मिडिया सम्बन्धि ५ तथ्य

– प्रत्येक मिनेटमा ३ सय घण्टा

युट्युवमा प्रत्येक मिनेटमा ३ सय घण्टाको भिडियो अपलोड हुन्छ र प्रत्येक व्यक्तिले प्रत्येक दिन औषत ४० मिनेट युट्युव भिडियो हेर्छन् ।

– साना र मध्यम व्यवसाय

८१ प्रतिशत साना तथा मध्यम उद्योग व्यवसायले आफ्नो ग्राहकसँग सम्पर्क गर्न सोसल मिडिया प्रयोग गर्छंन् ।

– फुड–स्टाग्राम

इस्टाग्राममा सबैभन्दा धेरै हालिने फुड भनेको पिच्चा हो । त्यसपछि सुशी र स्टिक हो ।

– एगसेल्लेट

इस्टाग्राममा सबैभन्दा धेरै लाइक भएको फोटो एक अण्डाको हो ।

– क्विक फिंगर्स

प्रत्येक सेकेन्डमा ६ हजार ट्विट हुन्छ भने प्रत्येक दिन औषत ५ सय मिलियन ट्विट्स हुन्छन् ।