सिंगापुरको इन्फोकम मिडिया विकास अथरिटी (आइएमडिए) ले आफ्नो डाटा प्रोटेक्शन ट्रस्टमार्क सर्टिफिकेशन ह्वावे अन्तर्राष्ट्रिय प्रालि ह्वावेको सिङ्गापुरको सहायक कम्पनीलाई अवार्ड प्रदान गरेको छ ।

डिपिटिएम सिङ्गापुरको व्यक्तिगत डाटा संरक्षण ऐनसँग पूर्ण रूपमा पालना गर्ने डाटा सुरक्षा व्यवस्था भएका व्यवसायहरूलाई दिइन्छ । हालसम्म ८० भन्दा बढी कम्पनीहरूले यो सर्टिफिकेशन पाएका छन् ।

ह्वावेले लामो समयदेखि ग्राहकको गोपनीयता संरक्षणमा आफ्नो प्रतिबद्धताप्रति गर्व गर्दै आएको छ । डिपिटिएम सर्टिफिकेशन प्राप्त गर्नु भनेको आइएमडिएले ह्वावेको डाटा सङ्कलन, प्रयोग र खुलासासँग सम्बन्धित डाटा सुरक्षा अभ्यासहरूको सुदृढता र जवाफदेहितालाई मान्यता दिनु हो ।

ह्वावे इन्टरनेशनलका सीईओ फू फ्याङ योङले यो सर्टिफिकेशन कम्पनीको लागि किन महत्त्वपूर्ण छ भनी व्याख्या गर्दै भने, “व्यक्तिगत डेटा सुरक्षा कानुनी आवश्यकता मात्र होइन, यो सामाजिक उत्तरदायित्व हो । यो सर्टिफिकेशनले गोपनीयता संरक्षणको लागि हाम्रो प्रतिबद्धतालाई जोड दिन्छ । हाम्रा उपभोक्ता, ग्राहकवर्ग, आपूर्तिकर्ता, साझेदार, कर्मचारीहरु र अन्य सान्दर्भिक सरोकारवालाहरूले उहाँहरूको व्यक्तिगत डाटा राम्रोसँग सुरक्षित छन् भनी आश्वस्त हुन सक्छन् । हामी सजग छौं र सधैं सबै गोपनीयता र व्यक्तिगत डाटा सुरक्षा कानून र नियमहरूको पालना गरेका छौं जुन हामीले सञ्चालन गर्ने हरेक क्षेत्राधिकारमा रहन्छ । हामीले हाम्रा दिन–प्रतिदिनका सबै व्यापार प्रक्रियाहरूमा गोपनीयता सुरक्षा आवश्यकताहरू समावेश गरेका छौं ।”

विगत दुई दशकमा ह्वावेले सिंगापुरका स्थानीय टेलिकम अपरेटरहरूसँग विश्वस्तरीय नेटवर्क पूर्वाधार विकास गर्न सहयोग गर्न, सिंगापुरको डिजिटलाइजेशन यात्रालाई समर्थन गर्न र सिंगापुरका उपभोक्ताहरूलाई स्मार्ट उपकरणहरूको सिरीज प्रस्तुत गरेको छ ।

क्लाउड कम्प्युटिंग र बिग डाटा जस्ता नयाँ प्रविधिहरू परिपक्व भई सञ्चार पूर्वाधारमा थप एकीकृत भएकाले ह्वावेले स्थानीय व्यवसायहरूलाई स्थिर, भरपर्दो, सुरक्षित र दिगो क्लाउड सेवाहरू उपलब्ध गराउने आफ्नो क्षमतालाई बढाउँदै गइरहेको छ ।

आफ्नो उद्यम र क्लाउड व्यवसायको लागि सिंगापुरमा क्षेत्रीय एशिया प्यासिफिक मुख्यालय स्थापना गरेर कम्पनीले थप स्थानीय व्यवसायहरूलाई डिजिटल र विश्वव्यापी रूपमा जान मद्दत गर्ने लक्ष्य राखेको छ ।

विशेष गरी, जलवायु परिवर्तनको सामना गर्न ह्वावेले लाभदायी डिजिटल पावर प्रविधिहरू पनि प्रयोग गरिरहेको छ र सिंगापुरको ग्रीन योजना २०३० लाई समर्थन गर्न स्थानीय साझेदारहरूसँग मिलेर काम गरिरहेको छ ।

डिपिटिएम सर्टिफिक्शन प्राप्त गर्नुका साथसाथै ह्वावेले साइबर सुरक्षा एजेन्सी अफ सिंगापुरसँग पनि आफ्नो क्न् साइबर सेफ पार्टनरसिप प्रोग्रामको एड्भोकेट पार्टनरहरूको रूपमा साझेदारी गरेको छ ।

यस कार्यक्रम मार्फत ह्वावेले सिंगापुरका व्यवसाय र संगठनहरूलाई उनीहरूको साइबरसुरक्षा बलियो बनाउन र साइबरसुरक्षा बारे जागरूकता बढाउन मद्दत गर्न सिएसएसँग काम गर्दछ ।