अपडेट

नेशनल पेमेन्ट स्वीचमा जोडियो अजोड इन्स्योरेन्स

शुक्रबार, २३ पुष, २०७८

अजोड इन्स्योरेन्स लिमिटेडले आफ्नो भुक्तानी सम्बन्धी कारोबारहरूलाई नेपाल क्लियरिङ हाउससँग जोडेको छ ।

भुक्तानी प्रणालीलाई डिजिटल माध्यममा लैजाने उद्देश्यका साथ कम्पनीले शुक्रबार क्लियरिङ हाउससँग सम्झौता गरेको हो ।

सम्झौतापत्रमा अजोड इन्स्योरेन्सका तर्फबाट संस्थाका प्रमुख कार्यकारी अधिकृत (सीईओ) कुमार बहादुर खत्री र एनसीएचएलका तर्फबाट संस्थाका सीईओनीलेश मानसिंह प्रधानले हस्ताक्षर गरेका छन् ।

सम्झौता पश्चात अजोड इन्स्योरेन्स एनसीएचएलको नेशनल पेमेन्ट स्वीच (एनपीएस) अन्तर्गतको नेशनल पेमेन्ट इन्टरफेस (एनपीआई) सँग जोडिने निर्जीवन बीमा कम्पनी बनेको छ ।

यसले कम्पनीको आन्तरिक भुक्तानी प्रणालीलाई एनसीएचएल–आईपीएस र कनेक्ट आईपीएस प्रणालीसँग जोडी बीमा दाबी भुक्तानी, क्रेडिट नोट भुक्तानी, एजेन्ट कमिसन, सर्भे पेमेन्ट, तलब, टेण्डर भुक्तानी, लगायत आफ्नो लगानीसम्बन्धी कारोबारहरू आबद्ध भएका बैंक खाताहरूबाट सोझै गर्न सक्नेछ ।

यसले आइएमई जनरल इन्स्योरेन्सलाई आफ्ना विभिन्न खाताहरूबाट भुक्तानी कारोबारहरू सहजै आफ्नो अपरेटिङ खातामा सार्न पनि मद्दत पुर्याउने कम्पनीले बताएको छ । यी सबै कारोबारहरू सोझै बीमा कम्पनी तथा लाभग्राहीहरुका बैंक खाताहरूबाट हुनेछन् ।