राष्ट्रिय वाणिज्य बैंकले आइसिटी अवार्डका विजेतालाई १५ लाख रुपैयाँसम्म सहुलियतपुर्ण कर्जा (ऋण) सुबिधा दिने भएको छ । आइसिटी अवार्डका विजेतासँग भेटघाट गर्दै बैंकले १५ लाख रुपैयाँसम्म सहुलियतपूर्ण ऋण दिनको लागि सहजिकरण गरेको छ ।

बैंकले आइसिटी अवार्डको स्टार्टअप, प्रडक्ट र इन्नोभेसन र राइजिङ स्टुडेन्ट विधिका विजेतालाई बिनाधितो सहुलियपूर्ण ऋण उपलब्ध गराउने भएको हो । गत पुस ११ गते होटल सोल्टी क्राउन प्लाजमा आयोजित हुवावे आइसिटी अवार्ड २०२० को ग्राण्ड फिनालेमा बैंकले सहुलियपूर्ण ऋण सुविधा दिने जनाएको थियो ।

मंगलबार आयोजित एक छलफल कार्यक्रममा आइसिटी अवार्ड २०२० का विजेताहरुले बैंकको ऋण सुविधाको लागि विजनेश आइडिया पेश गरेका थिए । बैंकका सिइओ किरण कुमार श्रेष्ठ, डिसिइओ कविराज जोशी, डिइओ दिवेश प्रसाद लोहनी र आइटी प्रमुख रिको स्थापितको उपस्थितीमा भएको छलफलमा अवार्ड विजेताहरु थप उत्साहित भएका छन ।

छलफल कार्यक्रमलाई सम्वोधन गर्दै बैंकका सिइयो श्रेष्ठले स्टार्टअप र उद्यमशिलताको प्रवद्धनको लागि बैंकले निरन्तर काम गरिरहेको बताउनुभयो । आइसिटी अवार्डका विजेतालाई पनि सहुलियतपुर्ण ऋण सुविधा दिन पाएकोमा खुसी व्यक्त गर्दैै स्वदेशमै केहि गर्न चाहनेलाई बैंकले सहयोग गर्ने बताउनुभयो ।

छलफल कार्यक्रमलाई सम्वोधन गर्दै बैंकका सिइयो श्रेष्ठले स्टार्टअप र उद्यमशिलताको प्रवद्धनको लागि बैंकले निरन्तर काम गरिरहेको बताउनुभयो । आइसिटी अवार्डका विजेतालाई पनि सहुलियतपुर्ण ऋण सुविधा दिन पाएकोमा खुसी व्यक्त गर्दैै स्वदेशमै केहि गर्न चाहनेलाई बैंकले सहयोग गर्ने बताउनुभयो ।

छलफल कार्यक्रममा बोल्दै आइसिटी अवार्ड २०२० का जुरी संयोजक शुशिल पोखरेलले बैंक नेपाली उद्यमशिलताको प्रवद्धनको लागि उदाहरणिय भएको भन्दै आगामी दिनमा देशैभरीका इन्नोभेटिभ आइडिया र स्टार्टअपहरुलाई अघि बढाउन अझ प्रयास गर्नुपर्ने बताउनुभयो । कार्यक्रममा आइसिटी अवार्डका अध्यक्ष राजन लम्साले बैंकको सहयोग र सहकार्यको लागि धन्यवाद व्यक्त गरेका थिए ।

बैंकका अनुसार अवार्ड विजेता कम्पनीका पुरूष लगानीकर्ताले ऋण लिएमा बिनाधितो १० लाख रुपैयाँ सम्म र महिला लगानीकर्ताले ऋण लिएमा बिनाधितो १५ लाख रुपैयाँ सम्म ऋण प्राप्त गर्नेछन । विजेताले २ प्रतिशतको हाराहारीमा व्याज बुझाएर विजनेश ग्रोथको लागि लगानी गर्न सक्नेछन ।

गत पुस ११ गते सोल्टी क्राउन प्लाजामा आइसिटी अवार्डको ग्राण्ड फिनाले सम्पन्न गरेको थियो । सो कार्यक्रममा स्टार्टअप आइसिटी अवार्ड क्रिप्टोजेन नेपाल, प्रडक्ट आइसिटी अवार्ड सीपीएफडीएस, राइजिङ स्टुडेन्ट आइसिटी अवार्ड सन्चै छौ र एनसेल इन्नोभेसन ड्रिभन क्राइसिस रेस्पोन्स आइसिटी अवार्ड पाइला इमरजेन्सी रिससीएटरलाई प्रदान गरिएको थियो ।

हुवावे आइसिटी अवार्ड २०२० मा विभिन्न १२ विधामा सर्वोत्कृष्टहरुले अवार्ड प्राप्त गरेका थिए । विभिन्न ४ विधामा भने बैंकले सहुलियतपुर्ण ऋण सुविधा प्रदान गरेको छ । विजेताहरुलाई हुवावे, नेपाल टेलिकम, एनसेल, जिनियस सोलुसजन, इसेवाले पनि विभिन्न सेवा तथा सुविधाहरु प्रदान गरेका छन ।