अपडेट

अनलाइन लर्निङ प्लेटफर्म मेरो स्कुल सार्वजनिक, एक महिनासम्म निःशुल्क प्रयोग गर्न सकिने

बिहिबार, २ बैशाख, २०७८

अनलाइन लर्निङ प्लेटफर्म मेरो स्कुल सार्वजनिक भएको छ । बिहिबार अनलाइन लर्निङ प्लेटफर्म मेरो स्कुल सार्वजनिक भएको हो ।

कोरोना महामारीका कारण देशभर लकडाउन भएपछि विभिन्न विद्यालयहरुले अनलाइन कक्षा सञ्चालन गरेका थिए । अहिले कोरोना संक्रमितको संख्या बढ्दै गएपछि विद्यालय बन्द गरेर अनलाइन कक्षा सञ्चालन गर्ने तयारी सरकारको छ ।

कोरोना महामारीका कारण छुटेको पढाइलाई पूर्णता दिन र संक्रमण जोखिमका कारण भौतिक ट्यूसन, कोचिङ पठाउन तथा जान नचाहने अभिभावक र विद्यार्थीहरुलाई लक्षित गर्दै मेरो स्कुल सार्वजनिक गरेको एस्ट्रीक टेक्नोलोजीले जनाएको छ ।

‘पढाईको नयाँ फण्डा’ स्लोगन सहित सार्वजनिक भएको मेरो स्कुलले डिजिटल माध्यमबाट विद्यार्थीहरुको पढाइमा सहयोग गर्ने कम्पनीको विश्वास रहेको छ ।

के हो मेरो स्कुल ?

मेरो स्कुल एक डिजिटल इ–लर्निङ्ग प्लेटफर्म हो जहाँ नेपाल सरकारको पाठ्याक्रममा आधारित ५ हजारभन्दा धेरै भिडियोहरु पाइन्छ । यसका साथै मेरो स्कुलमा पुराना प्रश्नपत्रहरु हल गरिएका भिडियोहरु पनि पाउन सकिन्छ ।

भिडियोहरु सबै एनिमिटेड र पिक्टोरियल फिचरद्वारा तयार पारिएको छ । यी भिडियोहरु दक्ष तथा अनुभवी प्रशिक्षकद्वारा सरल भाषामा तयार पारिएको कम्पनीले जनाएको छ ।

शैक्षिक पाठ्यक्रमका अलावा मेरो स्कुलमा डिजाइनिङ कोर्स, ल्याङवेज कोर्स लगायतका कोर्सहरू पनि राखिएको छ । मेरो स्कुल सार्वजनिक भएको अवसरमा १ महिनासम्म ट्यूटोरियल भिडियाहरु निःशुल्क हेर्न सकिनेछ ।

साथै एपमा अफलाइनमा हेर्न मिल्ने सुविधा पनि रहेको छ । जसले गर्दा एपमा भएका शैक्षिक सामाग्रीहरु आफुले चाहेको समयमा चाहेको ठाउँमा हेर्न सकिन्छ ।

मेरो स्कुल वेबसाइट र मोबाइल एपबाट प्रयोग गर्न सकिने छ । एन्ड्रोइडमा मेरो स्कुल मोबाइल एप डाउनलोड गर्न यहाँ क्लिक गर्नुहोस् ।

अब पासपोर्ट बनाउन र नवीकरण गर्न राष्ट्रिय परिचयपत्र नम्बर चाहिने

भर्खरै

नेपालमा ओप्पो ए सिक्स सार्वजनिक, ७ हजार एमएएच ब्याट्री र १२० हर्ज एमोलेड डिस्प्ले