सूचना प्रविधि क्षेत्रको प्रतिष्ठित आइसिटी अवार्ड को पाँचौं संस्करण (आइसिटी अवार्ड २०२०) को लागि खुल्ला गरिएको आवेदन १५ दिन थप गरिएको छ । इच्छुुक आवेदकले साउन ३१ गतेसम्म नोमिनेशन दर्ता गर्न सक्नेछन । शुक्रवार वेबसाइट तथा आधिकारिक फेसबुक पेजमार्फत सूचना जारी गर्दै आयोजकले नोमिनेशनको लागि १५ दिन समय थप गरेको हो ।

पछिल्लो समय काठमाडौं लगायतका स्थानमा कोभिड १९ संक्रमण बढिरहेको कारण अवार्डका छनौट प्रकृयाहरु सञ्चालन गर्न केहि कठिनाई हुने र इच्छुकले आवेदनको लागि थप समय मागेको कारण मिति थप गरिएको आयोजकले जानकारी दिएको छ ।

यस वर्ष विभिन्न ११ विधामा आइसिटी अवार्ड आयोजना हुनेछ । इन्नोभेसन ड्रिभन क्राइसिस रेसपोन्स आइसिटी अवार्ड र वुमन आइकन आइसिटी अवार्ड थप गरिएका नयाँ विधाहरू हुन् । स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टुडेन्ट आइसिटी अवार्ड विधाहरुमा सम्वन्धित स्वमले नोमिनेशन दर्ता गर्नुपर्नेछ ।

यस वर्ष विभिन्न ११ विधामा आइसिटी अवार्ड आयोजना हुनेछ । इन्नोभेसन ड्रिभन क्राइसिस रेसपोन्स आइसिटी अवार्ड र वुमन आइकन आइसिटी अवार्ड थप गरिएका नयाँ विधाहरू हुन् । स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टुडेन्ट आइसिटी अवार्ड विधाहरुमा सम्वन्धित स्वमले नोमिनेशन दर्ता गर्नुपर्नेछ ।

यसैगरी पायोनियर आइसिटी अवार्ड, नेपाली डायस्पोरा आइसिटी अवार्ड, आन्टरप्रेनर आइसिटी र मिडिया पर्सन आइसिटी अवार्ड व्यक्तिलाई प्रदान गरिने अवार्डका विधाहरू रहेका छन् । यि विधाहरुमा स्वम आफै वा अरु कसैले नोमिनेशन दर्ता गरिदिन सकिनेछ ।

डिजिटल गभर्नेन्स आइसिटी अवार्ड सरकारी सस्था र डिजिटल एजुकेशन आइसिटी अवार्ड सामुदायिक शैक्षिक संस्थानहरुलाई प्रदान गरिने अवार्ड विधाहरू रहेका छन् । यि विधामा पनि आफै वा अरुले उत्कृष्ट लागेको सस्था नोमिनेशन गरिदिन सकिने प्रावधान राखिएको छ ।

सन् २०१६ देखि सुरु भएको आइसिटी अवार्डको पाचौं सस्करण कोरोनाले निम्त्याएको शंकटको कारण यस वर्ष ढिला आयोजना हुनेछ । हरेक वर्ष १७ अगष्टमा आयोजना हुदै आएको कार्यक्रम यस वर्ष सम्वभत अक्टुवरमा आयोजना गर्ने आयोजकले जानकारी गराएको छ ।

यस वर्ष अवार्डको छनौट प्रक्रियालाई व्यवस्थित र सहज बनाउन १२ जना बढि जुरी सदस्य र १० जना बढी जुरी सल्लाहकार सदस्यहरू रहनुभएको छ । छनौट प्रक्रिया विभिन्न चरणहरूमा हुनेछ । स्टार्टअप, प्रडक्ट, स्टुडेन्ट प्रोजेक्ट र इन्नोभेसनमा विभिन्न चरणबाट उत्कृष्ट ५ छान्दै अनलाइन तथा एसएमएस भोटिङ पनि सञ्चालन हुनेछ भने अन्य विधाहरूमा जुरी समूहले विभिन्न चरणमा छनौट प्रक्रिया सञ्चालन गर्नेछन । निष्पक्ष र व्यवस्थित रूपमा सञ्चालन हुँदै आएको आइसिटी अवार्डलाई यस वर्ष अझ परिष्कृत र उत्कृष्ट बनाउन प्रयास गरिने आयोजक समितिका अध्यक्ष राजन लम्सालले बताए ।

अवार्ड विजेताहरुलाई विशिष्ट सम्मानसँगै शिल्ड प्रदान गरिनेछ । स्टार्टअप, प्रडक्ट, स्टुडेन्ट र इन्नोभेसनका विधाका विजेताहरुलाई गतवर्षझै बैंकको सरल कर्जा र लगानीसँग जोडिनेछ । विभिन्न कम्पनीले विजेतालाई स्किम र सहयोगको प्याकेजहरु प्रदान गर्नेछन । अवार्डमा नोमिनेशन तथा आवेदन दिनको लागि आधिकारिक वेबसाइट ictaward.org मा गएर सम्बन्धित विधा (क्याटेगोरी) छनौट गरी अनलाइन फारम बुझाउनुपर्नेछ । लिभिङ विथ आइसिटीले आयोजना गरेको अवार्ड कार्यक्रममा विभिन्न सरकारी निकाय र नीजि क्षेत्रका आइसिटी क्षेत्रका सस्थाहरुमा सहकार्य रहेको छ ।

आइसिटी अवार्ड २०२० को लागि कुन विधामा कसरी दिने आवेदन ?