आईसीटी समाचार
काठमाडाैं । राष्ट्रिय सूचना तथा सञ्चार प्रविधि दिवसकाे अवसरमा ‘नेशनल आइसिटी अवार्ड २०१९’ वितरण गरिएकाे छ ।
काठमाडाैंमा आयोजित कार्यक्रममा नेशनल आइसिटी इनोभेसन अवार्ड २०१९ अन्तर्गत स्प्यारो पे प्राइभेट लिमिटेड, सेल एप प्राइभेट लिमिटेड, पाइला टेक प्राइभेट लिमिटेडमध्ये पाइला टेकले अवार्ड हासिल गर्याे ।
यस्तै नेशनल आइसिटी अवार्ड पब्लिक सेक्टर २०१९ मा आन्तरिक राजस्व विभाग, नेपाल प्रहरी, नेपाल आर्मीमध्येबाट नेपाल प्रहरीले अवार्ड हात पार्न सफल रह्यो ।
नेसनल आइसिटी अवार्ड प्राइभेट सेक्टर २०१९ अन्तर्गत वल्र्ड लिंक, हुवावे टेक्नोलोजिज नेपाल, सुबिसु केबलमध्ये वल्र्ड लिंकले अवार्ड पायाे ।
यस्तै नेसनल आइसिटी एक्सिलेन्स अवार्ड २०१९ मा डा. गजेन्द्र शर्मा, कुसुम लामा र इन्जिनियर सुरेश कुमार कर्णमध्ये कर्णले अवार्ड पाए ।
५० हजार नगद सहित कदरपत्रका साथमा सबै अवार्ड विजेतालाई संचार तथा सुचना प्रविधि मन्त्री गोकुल बास्कोटाले पुरस्कार वितरण गरेका थिए ।
