आईसीटी समाचार
गूगलले आफ्नो वार्षिक डेभलपर कार्यक्रम गूगल आई/ओ २०२५ को घोषणा गरिसकेको छ । यस अन्तरालमा कम्पनीले आफ्नो मोबाइल सञ्चालन प्रणाली (अपरेटिङ सिस्टम) को नयाँ संस्करण एन्ड्रोइड १६ सार्वजनिक गर्न सक्ने अनुमान गरिएको छ ।
गूगलले गत वर्ष नोभेम्बरमा एन्ड्रोइड १६ को पहिलो डेभलपर प्रिभ्यु रिलिज गरिसकेको छ । साथै, कम्पनीले यसको पहिलो सार्वजनिक परीक्षण संस्करण बेटा पनि जारी गरिसकेको छ ।
यदि तपाईं पनि एन्ड्रोइड १६ को रिलिजको प्रतीक्षा गर्दै हुनुहुन्छ भने यहाँ हामी तपाईंलाई यसको रिलिज समयसीमाबारे जानकारी दिँदैछौं । साथै, यो अपडेट कुन–कुन स्मार्टफोनमा उपलब्ध हुनेछ र यसको विशेषताहरूबारे विस्तृत जानकारी दिँदैछौं ।
एन्ड्रोइड १६ रिलिज समय-रेखा
- डेभलपर प्रिभ्यु १ – १८ नोभेम्बर २०२४
- सार्वजनिक परीक्षण संस्करण (पब्लिक बेटा) १ – २३ जनवरी २०२५
- प्लेटफर्म स्टेबिलिटी – मार्च २०२५ (सम्भावित)
- फाइनल स्टेबल भर्सन – मे २०२५ पछि
एन्ड्रोइड १६ को अपडेट सबैभन्दा पहिले गूगल पिक्सेल उपकरणहरूमा उपलब्ध हुनेछ । त्यसपछि सामसुङ, वानप्लस, साओमी, भीभो र अन्य स्मार्टफोन कम्पनीहरूले आफ्ना प्रयोगकर्ताहरूका लागि यसको अपडेट प्रदान गर्नेछन् ।
कुन–कुन स्मार्टफोनहरूमा एन्ड्रोइड १६ को अपडेट उपलब्ध हुनेछ?
गूगल पिक्सेल
- पिक्सेल ९ शृङ्खला र पिक्सेल ९ प्रो फोल्ड
- पिक्सेल ८ शृङ्खला
- पिक्सेल ७ शृङ्खला
- पिक्सेल ६ शृङ्खला
- पिक्सेल फोल्ड र पिक्सेल ट्याब्लेट
सामसुङ
- ग्यालेक्सी एस २५, एस २४, एस २३, एस २२ शृङ्खला
- ग्यालेक्सी जेड फोल्ड ६, फोल्ड ५, फोल्ड ४
- ग्यालेक्सी जेड फ्लिप ६, फ्लिप ५, फ्लिप ४
- ग्यालेक्सी ए ७३, ए ५५, ए ५४, ए ५३, ए ३५, ए ३४, ए ३३, ए २५, ए २४ ५जी, ए १६, ए १५ ५जी
- ग्यालेक्सी एम ५५, एम ५४, एम ३५, एम ३४, एम ३३, एम १५
वानप्लस
- वानप्लस १३, १२, ११, १० शृङ्खला
- वानप्लस ओपन
- वानप्लस नर्ड ४, नर्ड सीई ४, नर्ड सीई ३ शृङ्खला
साओमी र पोको
- साओमी १४, १३ शृङ्खला
- रेड्मी के ७०, के ६०, नोट १४, नोट १३ शृङ्खला
- पोको एफ ६, एफ ५, एक्स ६, एक्स ५, एम ६ शृङ्खला
भीभो र आइकु
- भीभो एक्स २००, एक्स १०० अल्ट्रा, एक्स १०० एस शृङ्खला
- भीभो फोल्ड ३
- भीभो भी ४०, भी ३०, भी २९ शृङ्खला
- आइकु नियो ९, आइकु १२ शृङ्खला
एन्ड्रोइड १६ का प्रमुख विशेषताहरू
लाइभ प्रोग्रेस इन्डिकेटर
अब गूगल म्याप्स, उबर र अन्य ट्र्याकिङ एपहरूमा स्टेटस बारमा लाइभ अपडेट प्राप्त हुनेछ । यसले प्रयोगकर्ताहरूलाई आफ्नो यात्रा वा अर्डरको स्थिति सजिलै हेर्न सहयोग गर्नेछ ।
फोल्डेबल स्मार्टफोनका लागि उत्कृष्ट बहुप्रयोग समर्थन (मल्टीटास्किङ)
एन्ड्रोइड १६ मा फोल्डेबल स्मार्टफोनका लागि सुधारिएको मल्टीटास्किङ सुविधा प्रदान गरिनेछ । यसले प्रयोगकर्ताहरूलाई एकै समयमा दुई वा बढी एपहरू सजिलै सञ्चालन गर्न अनुमति दिनेछ ।
उन्नत प्राइभेसी र सुरक्षा अपडेट
एन्ड्रोइड १६ मा प्रयोगकर्ताको गोपनीयता सुरक्षित गर्न स्यान्डबक्स प्रविधि समावेश गरिनेछ । यसले एपहरूलाई प्रयोगकर्ताको डाटा सुरक्षित तरिकाले पहुँच गर्न मद्दत गर्नेछ । साथै, स्वास्थ्य डाटा भण्डारण गर्न नयाँ विशेषता प्रदान गरिनेछ ।
तेस्रो–पक्ष क्यामेरा एपहरूमा नाइट मोड समर्थन
अब इन्स्टाग्राम र स्न्यापच्याट जस्ता एपहरूमा नाइट मोडको सुविधा उपलब्ध हुनेछ । यसले लो–लाइट फोटोग्राफी अझ राम्रो बनाउनेछ । साथै, एन्ड्रोइड १६ मा प्रयोगकर्ताहरूलाई एट के भिडियो रेकर्डिङ, एचडीआर+ र एभी १ कोडेक समर्थन उपलब्ध गराइनेछ । थप रूपमा, ८के रिजोल्युसन, १०–बिट इन्कोडिङ, एचडीआर १०/१०+ र वाईयूभी ४२२ कलर स्याम्पलिङ जस्ता विशेषताहरू पनि पाइनेछन् ।
ब्याट्री जीवनकाल र परफर्मेन्स इम्प्रुभमेन्ट
एन्ड्रोइड १६ मा ब्याट्रीको पावर म्यानेजमेन्ट अझ राम्रो हुने अपेक्षा गरिएको छ । ब्याकग्राउन्डमा चल्ने एपहरू कम ब्याट्री खपत गर्नेछन् । साथै, यसमा फास्ट चार्ज) समर्थन पनि प्रदान गरिनेछ ।
एन्ड्रोइड १६ को आधिकारिक फाइनल स्टेबल भर्सन मे २०२५ पछि आउनेछ । प्रारम्भिक रूपमा, यो गूगल पिक्सेल स्मार्टफोनहरूमा उपलब्ध हुनेछ, त्यसपछि अन्य ब्रान्डका स्मार्टफोनहरूमा अपडेट गरिनेछ ।
यस नयाँ संस्करणमा मल्टीटास्किङ, उन्नत गोपनीयता सुरक्षा, फोल्डेबल स्मार्टफोनका लागि उत्कृष्ट विशेषताहरू साथै तेस्रो–पक्ष एपहरूमा नाइट मोड समर्थन जस्ता धेरै नयाँ र रोमाञ्चक विशेषताहरू समावेश गरिएका छन् ।
