आईसीटी समाचार
नेपाल प्रिमिर लिग (एनपीएल) का खेलहरू डिशहोमको एक्सन स्पोर्ट्स च्यानलबाट लाइभ हेर्न सकिने भएको छ ।
यसका लागि एनपीएलको व्यवसायिक अधिकार व्यवस्थापन गरिरहेको कम्पनी ब्रान्ड लजिक र डिश मिडिया नेटवर्कबीच सम्झौता भएको हो ।
प्रतियोगिताका खेलहरू टेलिभिजनमा स्टार स्पोर्ट्स नेटवर्कबाट प्रसारण हुनेछन् । यही मंसिर १५ गतेदेखि एनपीएल कीर्तिपुरस्थित त्रिवि क्रिकेट मैदानमा सुरू हुँदैछ ।
पुष ६ गतेसम्म सञ्चालनमा हुने एनपीएलमा ८ वटा टिमले प्रतिस्पर्धा गर्नेछन् ।
