आईसीटी समाचार
माईक्रोसफ्टले एक्सबक्स गेमरहरूलाई स्मार्ट अनुभव प्रदान गर्न डिजाइन गरिएको नयाँ एआई–असिस्टेन्ट कोपाईलट फर गेमिंग सार्वजनिक गरेको छ । यो एआई–आधारित असिस्टेन्टले गेमरहरूको समय बचत गर्न मद्दत गर्नेछ, गेम ट्यूटोरियलहरू खोज्न, इन–गेम सहायता प्रदान गर्न, तथा गेम इंस्टल वा अपडेट गर्नजस्ता कार्यहरू सजिलो बनाउनेछ ।
एक्सबक्सको गेमिङ एआई डिभिजनकी कर्पोरेट उपाध्यक्ष फातिमा कर्दार का अनुसार, कोपाईलट फर गेमिंगले गेमरहरूलाई गेम सेटअप गर्न, नयाँ गेमहरूको सिफारिस दिन, इन–गेम सहायता प्रदान गर्न र सामाजिक रूपमा जोडिन मद्दत गर्नेछ ।
यो सुविधा खेलाडीहरूको गेमिङ बानी र प्राथमिकताअनुसार अनुकूलित अनुभव प्रदान गर्नेछ । कोपाईलट फर गेमिंगको मद्दतले खेलाडीहरू साधारण भाषामा आदेश दिएर गेम इंस्टल गर्न सक्नेछन् ।
उदाहरणका लागि, यदि कसैले भन्छ, “मलाई एज अफ एम्पायर फेरि खेल्न मन छ, के तिमी यसलाई इंस्टल गर्न सक्छौ? भने कोपाईलटले एक्सबक्समा उक्त गेम डाउनलोड गर्न सुरु गर्नेछ । यसबाहेक, खेलाडीहरूले आफ्नो गेम प्रोग्रेसको सारांश प्राप्त गर्न र गेम अपडेटहरू जाँच गर्न सक्नेछन् ।
माईक्रोसफ्टका अनुसार, यो सुविधा गेमरहरूलाई त्यसैबेला सहायता प्रदान गर्नेछ जब उनीहरूले आवश्यक ठान्नेछन् । फातिमा कर्दार भन्छिन्, “हामी केवल एआईको उपस्थिति देखाउन चाहँदैनौं, बरु यसलाई सही समयमा उपयोगी बनाउनेछौं । हाम्रो लक्ष्य बाधा नभई सहयोगी अनुभव सिर्जना गर्नु हो ।'
