अब फोनपेले एउटा वालेटबाट अर्को वालेटमा पैसा ट्रान्सफर गर्ने फिचर ल्याउने भएको छ । आउने महिनाभित्रै इन्टर वालेट ट्रान्सफर सुविधा ल्याउने गरी काम गरिरहेको छ । 

फोनपेका सीईओ दिवस सापकोटाले इन्टर वालेट ट्रान्सफर सकिने सुविधा ल्याउने लागेको बताए । 

‘आगामी महिना भित्रमा इन्टर वालेट ट्रान्सफर सुविधा ल्याउने गरी काम गरिरहेका छौं,’ उनले भने, ‘अहिले जसरी एउटा बैंकबाट अर्को बैंकमा पैसा ट्रान्सफर गर्न सकिन्छ । त्यसरी नै फोनपे नेटवर्कद्वारा अर्को वालेटमा पैसा ट्रान्सफर गर्ने सुविधा ल्याउँदै छौं ।’

अहिले इन्टर वालेट ट्रान्सफर सुविधा नहुँदा प्रयोगकर्तालाई धेरै नै अप्ठ्यारो छ । केहीमा यो सुविधा भएपनि त्यो पर्याप्त छैन् । 

त्यसैले इन्टर वालेट ट्रान्सफरलाई प्रवर्द्धन गर्न नयाँ सुविधा ल्याउन लागेको हो । यसका लागि फोनपेले राष्ट्र बैंकको स्वीकृति समेत लिइसकेको छ ।