नेपालको अग्रणी डिजिटल वालेट खल्तीले ८ औँ वर्ष पूरा गरेको छ । २०१७ बाट नेपालीहरू माझ मोबाइल टपअप अनि बिल भुक्तानी जस्ता सुविधाबाट सुरुवात भएको खल्तीको डिजिटल रूपान्तरण यात्रा ९औं वर्षमा प्रवेश गरेको छ ।  

आठौं वार्षिकोत्सवको अवसरमा खल्तीका प्रमुख कार्यकारी अधिकारी विनय खड्काले स्थापनादेखि नै खल्तीले वित्तीय समावेशीकरण उपलब्ध गराउने उद्देश्य लिई आफ्नो कार्य गरी रहिरहेकजो बताए । 

‘आजको दिनमा यी आठ वर्षहरूलाई फर्केर हेर्ने हो भने खल्ती डिजिटल नेपालको यात्रामा एउटा बिर्सनै नहुने अंश बनेको छ । घरै बसी बसी अधिकांश सेवाहरूको भुक्तानी लिन मिल्ने सहज व्यवस्था र आफ्नो इनोभेसनका कारण आज हरेक नेपाली घरमा हामी एक विश्वसनीय ब्रान्डको रूपमा उभिन सफल भएका छौँ,’ उनले अगाडि भने ।  

विभिन्न युवा मैत्री मनोरञ्जन, कन्सर्ट, खेलकुद र रियालिटी सोहरूका लागि लोकप्रिय खल्तीले  ईभेन्ट टिकटिङ , भोटिङ र मुभि टिकटिङ प्लेटफर्मको रूपमा काम गरिरहेको छ । 

यी वर्षहरूमा सरकारी सेवा सुविधाको डिजिटल भुक्तानीदेखि लिएर विभिन्न ग्याजेट खरिदको लागि ‘खल्ती मल’ र रेस्टुराँदेखि मनोरञ्जनको एक्सक्लुसिभ डिल रहने ‘प्लेसेस बाई खल्ती’सम्म, खल्तीले आफ्नो डिजिटल सेवा विस्तार गरेको छ ।

पछिल्लो समय आफ्नो प्रयोगकर्ताहरू माझ विभिन्न इन्स्योरन्स र लगानी जस्ता वित्तीय सेवाहरू पनि ल्याएको छ । नेपालभर सबै नेपालीहरूका लागि वित्तीय समावेशीकरणको उद्देश्य राखी अगाडि बढिरहेको खल्तीले आफ्नो आठौँ वार्षिकोत्सवको उपलक्ष्यमा डिजिटल नेपालको यस यात्रामा सदैव साथ दिएकोमा सम्पूर्ण प्रयोगकर्ता, साझेदार, नियामक निकाय, एजेन्ट, मर्चेन्ट व्यवसायी र खल्ती कर्मचारीहरूलाई आभार व्यक्त गरेको छ ।

गत वर्ष जस्तै यस वर्ष पनि लगातार देशकै सबै भन्दा बढी डिजिटल भुक्तानी कारोबार गर्ने भुक्तानी सेवा प्रदायकको रूपमा ‘खल्ती’ एनसीएचएलद्वारा सम्मानित समेत भएको छ । यस बाहेक नासआईटी अवार्डका साथै अन्य थुप्रै सम्मान र अवार्डबाट सम्मनित भएको छ । हालै खल्ती एप गुगल प्ले स्टोरमा ५० लाख पटक डाउनलोड भएको छ । 

नेपाल प्रिमियर लिगको टिकटिङ, बाइक सुरक्षा र कार सुरक्षाको सुरुवात, बिगेस्ट पेमेन्ट जात्राको तेस्रो संस्करणको सफलता, रेस्टुराँ देखि मनोरञ्जनको एक्सक्लुसिफ डिल रहने प्लेसेस बाई खल्ती र ग्याजेटहरूका लागि खल्ती मलको स्थापना गरेको खल्तीले जनाएको छ ।

वार्षिकोत्सवको अवसरमा खल्तीले विभिन्न अफरहरू ल्याएको छ । आठौँ वार्षिकोत्सवको उपलक्ष्यमा खल्तीले माघ ७ देखि १८ गतेसम्म हरेक सुविधालाई निश्चित समय अवधि तोकेर ८ रूपैयाँमा कफी, स्वास्थ्य सुरक्षा , टपअप, मुभी अनि फ्लाइट अफर ल्याएको छ । 

पहिलो ८८ हजार ८८८ प्रयोगकर्तासम्मलाई ८ रूपैयाँमै कफी, पहिलो ८ हजार ८८८ प्रयोगकर्तासम्मलाई ८ रूपैयाँमै सुरक्षा मिनी नामक स्वास्थ्य बिमा प्याकेज, ८८८ भाग्यशाली प्रयोगकर्ता सम्मलाई ८ रूपैयाँमै ५०० सम्मको टपअप, ८८ भाग्यशाली प्रयोगकर्तासम्मलाई ८ रूपैयाँमै मुभी टिकट र ८ भाग्यशाली प्रयोगकर्ता सम्मलाई  ८ रूपैयाँमै फ्लाइट टिकट पाउन सकिने छ । 

८ रूपैयाँमै कफी प्राप्त गर्न प्रयोगकर्ताहरूले खल्ती एप भित्र ‘ईन्टरटेनमेन्ट’ सेक्सनमा गई ‘प्लेसेस’ भित्र कफीको अफर छनोट गरी आफूलाई पायक पर्ने ठाउँमा ८ रूपैयाँमै कफी अर्डर गर्न सक्नेछन् भने यस अफर माघ १३ देखि १५ सम्मका लागि मान्य रहने खल्तीले जनाएको छ ।

खल्तीले अन्य अफरको लागि आ-आफ्नो समय अवधि र व्यवस्था छुट्टाएको छ । यसका साथै, खल्तीले विभिन्न मर्चेन्टसँग साझेदारी गर्दै खल्ती मल अफर तथा उपहार पनि आफ्नो आठौँ वार्षिकोत्सवको उपलक्षमा उपलब्ध गराएको छ ।