प्रदेशमा प्रविधि
लुम्बिनी प्रदेशको बजेट असार १ मा : डिजिटल सुशासन र विकासमा जोड
काठमाडौं । लुम्बिनी प्रदेश सरकारले आगामी आर्थिक वर्ष २०८३/०८४ को बजेट असार १ गते सोमबार प्रदेशसभामा प्रस्तुत गर्ने भएको छ । प्रदेशसभा आठौँ अधिवेशनअन्तर्गत नवौँ बैठकमा बेलुका ५ बजे आर्थिक मामिला तथा योजनामन्त्री धनेन्द्र कार्कीले बजेट पेस गर्ने कार्यक्रम रहेको छ ।
सरकारले सीमित स्रोतसाधन, बढ्दो वित्तीय दायित्व तथा अधुरा विकास योजनाहरूलाई ध्यानमा राख्दै आगामी बजेट निर्माण गरेको जनाएको छ । विशेष गरी दायित्व भुक्तानी, प्रदेश गौरवका आयोजना, बहुवर्षीय तथा क्रमागत योजनालाई निरन्तरता दिनेगरी बजेट केन्द्रित हुने बताइएको छ ।
आगामी बजेट उत्पादनमुखी अर्थतन्त्र निर्माण, रोजगारी सिर्जना, पूर्वाधार विकास, सुशासन प्रवर्द्धन तथा सामाजिक न्यायलाई मुख्य आधार मानेर तयार गरिएको सरकारको भनाइ छ ।
कृषि क्षेत्रमा आधुनिक प्रविधिको प्रयोग, सिँचाइ विस्तार, जैविक खेती प्रवर्द्धन, रैथाने तथा स्थानीय बाली संरक्षण, कृषि उत्पादनको ब्रान्डिङ तथा मूल्य शृङ्खला विकासलाई प्राथमिकतामा राखिनेछ । यसमार्फत कृषि उत्पादन वृद्धि गर्दै आयात प्रतिस्थापन र निर्यात विस्तार गर्ने लक्ष्य बजेटले लिएको छ ।
युवालाई लक्षित गर्दै सीपमूलक तालिम, स्टार्टअप सहयोग, स्वरोजगार प्रवर्द्धन तथा नवप्रवर्तन कार्यक्रमलाई बजेटले विशेष प्राथमिकता दिने तयारी गरिएको छ । स्वास्थ्य क्षेत्रमा अस्पतालहरूको स्तरोन्नति, विशेषज्ञ सेवा विस्तार तथा क्यान्सर, मिर्गौला र मुटुरोग उपचारमा दिँदै आएको सहुलियतलाई निरन्तरता दिइने भएको छ ।
शिक्षा क्षेत्रमा प्राविधिक शिक्षा, सूचना प्रविधिमैत्री सिकाइ प्रणाली तथा खेलकुद पूर्वाधार विकासलाई जोड दिइने अपेक्षा गरिएको छ । पूर्वाधार विकासतर्फ अधुरा तथा क्रमागत योजनाको सम्पन्नता, पुँजीगत खर्चको प्रभावकारिता वृद्धि र प्रदेश गौरवका आयोजनाको निरन्तरता मुख्य प्राथमिकतामा रहने सरकारको भनाइ छ ।
साथै डिजिटल सुशासन, सेवा प्रवाहको सरलीकरण र वित्तीय अनुशासनलाई पनि मजबुत बनाइने बताइएको छ । पर्यटन, उद्योग, ऊर्जा तथा स्थानीय स्रोतसाधनको अधिकतम उपयोगमार्फत प्रदेशको आर्थिक गतिविधि विस्तार गर्ने लक्ष्य पनि बजेटले लिएको छ ।
विशेष गरी लुम्बिनीलाई अन्तर्राष्ट्रिय धार्मिक तथा स्वास्थ्य पर्यटन केन्द्रका रूपमा विकास गर्ने कार्यक्रमलाई निरन्तरता दिइने तयारी छ । चालु आर्थिक वर्ष २०८२/०८३ का लागि प्रदेश सरकारले ३८ अर्ब ९१ करोड रुपैयाँको बजेट ल्याएको थियो, जसमा २३ अर्ब ४७ करोड पुँजीगत र १५ अर्ब ४३ करोड चालु खर्च विनियोजन गरिएको थियो । यस वर्ष पनि करिब ३८ अर्ब रुपैयाँको हाराहारीमा बजेट ल्याउने तयारी गरिएको छ ।
प्रदेशमा प्रविधि
‘डिजिटल गण्डकी सम्वाद २०२६’ सम्पन्न, डिजिटल नेपालको नयाँ मार्गचित्र सार्वजनिक
पोखरा । नेपालको सूचना प्रविधि आइटी क्षेत्रमा दूरगामी प्रभाव पार्ने उद्देश्यका साथ कास्कीको पोखरामा आयोजित बहुप्…
टिचिङ अस्पतालमा डिजिटल ओपीडी सेवा विस्तार गर्न काठमाडौं महानगरको १ करोड ७० लाखको सहयोग
काठमाडौं । काठमाडौं महानगरपालिकाले टिचिङ अस्पताल महाराजगञ्जको ओपीडी सेवालाई बिरामीमैत्री बनाउन १ करोड ७० …
लुम्बिनी प्रदेशको नीति तथा कार्यक्रम : मन्त्रालय घटाउनेदेखि डिजिटल सेवा विस्तारसम्मका योजना
काठमाडौं । लुम्बिनी प्रदेश सरकारले सुशासन, आर्थिक समृद्धि तथा प्रशासनिक सुधारलाई केन्द्रमा राख्दै आर्थिक वर्ष २०…
डिजिटल सेवा सुधारतर्फ काठमाडौं महानगर, SDOC मार्फत प्रणाली विकास र सञ्चालन गर्दै
काठमाडौं । काठमाडौं महानगरपालिकाले विभिन्न विभागहरूको सूचना प्रविधि तथा डिजिटल प्रणाली विकास, खरिद, सञ्चाल…
बागमती नगरपालिकाद्वारा उद्यमशीलता प्रवर्द्धन तालिमका लागि आवेदन आह्वान
सर्लाही । बागमती नगरपालिकाले वैदेशिक रोजगारीबाट फर्किएका बेरोजगार तथा अर्धबेरोजगार नागरिकलाई स्वरोजगा…
प्रविधिको फड्को : भोजपुरमा घरबाटै जग्गाको नक्सा हेर्न र डाउनलोड गर्न सकिने
काठमाडौं । प्रविधिको तीव्र विकाससँगै अब नागरिकले घरमै बसेरै जग्गाको नक्सा प्राप्त गर्न सक्ने व्यवस्था लागू भएपछि…
छात्रवृत्तिमा कक्षा ११ अध्ययनका लागि पोखरा महानगरद्वारा आवेदन आह्वान
पोखरा । पोखरा महानगरपालिकाले कक्षा ११ मा छात्रवृत्तिमार्फत अध्ययन गर्न इच्छुक विद्यार्थीहरूबाट आवेदन आह्वान गरेक…
सेवा प्रवाहमा डिजिटल सुधार : ललितपुर महानगरको नयाँ मोडल चर्चामा
ललितपुर । ललितपुर महानगरपालिकाले सञ्चालनमा ल्याएको एकद्वार सेवा केन्द्र प्रभावकारी बन्दै गएको छ । नागरिकलाई स…
दाङमा विद्युत् महसुल भुक्तानी पूर्ण रूपमा डिजिटल हुँदै, काउन्टर सेवा बन्द गरिने
दाङ । नेपाल विद्युत् प्राधिकरण अन्तर्गत दाङका विभिन्न वितरण केन्द्रहरूले विद्युत् महसुल भुक्तानी प्रणालीलाई पूर्ण र…
काठमाडौं वडा १७ मा स्मार्ट गभर्नेन्स, एआई मार्फत नागरिक सेवा सुरु
काठमाडौं । काठमाडौं महानगरपालिका वडा नम्बर १७ ले कृत्रिम बुद्धिमत्ता (एआई) मा आधारित अत्याधुनिक ‘कलबो…
दुर्गम क्षेत्रका बासिन्दालाई राहत : अब नक्साका लागि सदरमुकाम जानु नपर्ने
तनहुँ । तनहुँ जिल्लामा डिजिटल प्रविधिको प्रयोगसँगै जग्गा सम्बन्धी सेवा प्रवाह सहज र आधुनिक बन्दै गएको छ । यसअघ…
दर्शनार्थीका लागि सहज सञ्चार : पाथीभरामा फोरजी सेवा सुरु
काठमाडौं । ताप्लेजुङस्थित प्रसिद्ध तीर्थस्थल पाथीभरा मन्दिर क्षेत्रमा दर्शनार्थीहरूलाई सहज सञ्चार सुविधा उपलब्ध गरा…
अनलाइन जुवा धन्दाको पर्दाफास, मण्डला क्याफेबाट १० जना पक्राउ
सुनसरी । अनलाइन जुवा खेल्ने/खेलाउने कार्यमा संलग्न रहेको अभियोगमा १० जनालाई सोमबार राति प्रहरीले पक्राउ गरे…
काठमाडौं प्रशासनको नयाँ व्यवस्था : राहदानी अब घरमै पुग्ने
काठमाडौं । काठमाडौं जिल्ला प्रशासन कार्यालयले राहदानी वितरणलाई सहज बनाउन अब हुलाकमार्फत घरमै पुर्याउने…
स्थानीय तहमा डिजिटल फड्को : गाउँ-नगरमा भुक्तानी प्रणाली आधुनिक बन्दै
काठमाडौं । नेपालमा डिजिटल प्रणलीलाई थप सुदृढ बनाउने उद्देश्यका साथ पोखरामा आधारित यार्सा टेकले स्थानीय तहमा…