साउदी अरेबियामा विश्वकै पहिलो यस्तो क्लिनिक सुरु गरिएको छ, जहाँ बिरामीको जाँच र उपचारको जिम्मेवारी आर्टिफिसियल इन्टेलिजेन्स (एआई) मा आधारित चिकित्सकले निभाइरहेका छन् ।

यो परियोजना चिनियाँ मेडिकल टेक्नोलोजी कम्पनी सिनयी एआई र अलमूसा हेल्थ ग्रुप को साझेदारीमा सुरु गरिएको हो । यस पायलट कार्यक्रमको सुरुवात गत महिना साउदीको पूर्वी प्रान्त अल–अहसा मा गरिएको थियो ।

यो क्लिनिक एक एआई चिकित्सक ‘डा. हुआ’ मा आधारित छ, जसले ट्याब्लेट को माध्यमबाट बिरामीसँग लक्षणहरू सोध्छ, फलो–अप प्रश्नहरू गर्छ र तस्बिरहरू तथा अन्य डाटा को सहयोगमा रोगको विश्लेषण गर्छ । यी प्रक्रियाहरूमा मानव सहायकहरूले सहयोग गर्छन् ।

कन्सल्टेशन पछि डा. हुआले एक उपचार योजना (ट्रिटमेन्ट प्लान) तयार गर्छ, जसलाई एक मानव चिकित्सकले अन्तिमरूपमा परीक्षण गरेर स्वीकृति दिन्छन् । आपतकालीन अवस्थाहरूमा मानव डाक्टरहरू पनि स्थलमा उपलब्ध हुने व्यवस्था गरिएको छ ।

हाल एआई चिकित्सकले श्वासप्रश्वास सम्बन्धी रोगहरू मा ध्यान केन्द्रित गरिरहेको छ, जसमा लगभग ३० प्रकारका रोगहरू जस्तै अस्थमा र घाँटीको संक्रमण (फ्यारिन्जाइटिस) समावेश छन् । भविष्यमा यसको दायरा बढाएर ५० रोगहरू सम्म पु¥याउने योजना छ, जसमा ग्यास्ट्रोइन्टेस्टाइनल (पाचन प्रणाली) र छाला सम्बन्धी रोगहरू पनि समावेश हुनेछन् ।

सिनयी एआई का अनुसार, मानव चिकित्सकहरूले अब “सुरक्षा गेटकीपर“ को भूमिका मात्र निभाउनेछन् । उनीहरूको काम एआई द्वारा दिइएको सल्लाह सही र सुरक्षित छ कि छैन भन्ने सुनिश्चित गर्नु हो ।

सिनयी एआई का सिइओ झाङ साओडियन भन्छन्, “अहिलेसम्म एआईले केवल डाक्टरहरूलाई सहयोग गर्ने भूमिका निभाउँदै आएको थियो, तर अब हामी त्यस अन्तिम चरणमा पुगेका छौं जहाँ एआई आफैंले बिरामीको जाँच र उपचार गर्न सक्नेछ ।”

सिनयी एआई को दाबी अनुसार, टेस्टिङ फेज मा एआई को त्रुटि दर (एरर रेट) केवल ०.३ प्रतिशत रहेको छ । यो टेक्नोलोजी टेन्सेन्ट, होङशान क्यापिटल, जीजीभी क्यापिटल र स्थानीय सरकारको सहयोगमा विकास गरिएको हो । यसमा स्थानीय भाषा, मेडिकल टरमिनोलोजी र कल्चरल एस्पेक्ट्स लाई ध्यानमा राख्दै लोकलाइज्ड एलएलएम (लार्ज ल्याङ्गवेज मोडेल्स) को प्रयोग गरिएको छ ।

यस पायलट कार्यक्रम को डाटा साउदी सरकारलाई रिभ्यु का लागि बुझाइनेछ र आगामी १८ महिनाभित्र अप्रूवल प्राप्त हुने अपेक्षा गरिएको छ ।