काठमाडौं । काठमाडौंको भृकुटीमण्डपमा जारी ‘नाइमा नेपाल मोबिलिटी एक्स्पो २०२६’ मा भारी वर्षाका बाबजुद पनि अवलोकनकर्ताको उल्लेख्य घुइँचो लागेको छ ।

नेपाल अटोमोबाइल्स इम्पोर्टर्स एन्ड म्यानुफ्याक्चरर्स एसोसिएसन (नाइमा) ले मंगलबारदेखि आयोजना गरेको एक्स्पोको तेस्रो दिन भारी वर्षा भएपनि उल्लेख्य संख्यामा अवलोकनकर्ता पुगेका हुन् । तीन दिनमै ७७ हजारभन्दा बढीले एक्स्पो अवलोकन गरेका छन् ।

आयोजकका अनुसार पहिलो दिन २९ हजार, दोस्रो दिन २६ हजार र तेस्रो दिन २२ हजारभन्दा बढीले एक्स्पो अवलोकन गरेका हुन् । एक्स्पोमा ५५ भन्दा बढी ब्रान्डका सवारी साधन प्रदर्शनीमा राखिएका छन् ।

नयाँ नयाँ मोडलका सवारीसाधन सार्वजनिक गर्दै वितरक कम्पनीहरूले अवलोकनकर्तालाई आफ्नो स्टलमा आकर्षित गरिरहेका छन् । विकल्प धेरै भएकाले मेलास्थल पुगेका अवलोकनकर्तालाई आफ्नो आवश्यकता र बजेटअनुसारको सवारीसाधन छनोट गर्न सहज भएको छ ।

ललितपुरको भैंसेपाटीका विक्रम सुवेदीले एक्स्पोमा सबै खालका ग्राहकको क्षमता र बजेटअनुसारका सवारी साधन रहेको बताए । “१६–१७ लाखदेखि ३ करोडभन्दा बढी मूल्यका चारपाङ्ग्रे सवारी साधन प्रदर्शनीमा राखिएका रहेछन्,” उनले भने, “जत्रो गोजी छ, त्यस्तै कार चढ्न पाउनु पनि राम्रो कुरा हो ।”

दुईपाङ्ग्रे सवारी साधनका स्टलमा पनि अवलोकनकर्ताको उल्लेख्य भीड लागेको छ । विशेष गरी महँगा ब्रान्डका मोटरसाइकल तथा स्कुटरमा युवाको आकर्षण देखिएको छ । अवलोकनकर्ताहरूले नाइमा एक्स्पोलाई आफ्नो क्षमता र आवश्यकताअनुसारको सवारी साधन छनोट तथा बुकिङ गर्ने महत्वपूर्ण अवसरका रूपमा लिएका छन् । 

उनीहरूले विशेष गरी विद्युतीय सवारी साधनको ब्याट्री क्षमता, मोटर, रेन्ज, आफ्टर सेल्स सर्भिस, ब्याट्रीको वारेन्टी–ग्यारेन्टी तथा रिसेल भ्यालूलगायत विषयमा चासो राखेका छन् ।

कम्पनीहरूले पनि ग्राहक आकर्षित गर्न विभिन्न सुविधा उपलब्ध गराएका छन् । मूल्यमा छुट, एक वर्षको बिमा, एक वर्षको सवारी कर, नि:शुल्क सर्भिसिङ तथा न्यून दरमा कर्जा सुविधा जस्ता अफर उपलब्ध गराइएको छ ।

एक्स्पोमा हालसम्म विभिन्न ब्रान्डले ५२ वटा नयाँ मोडलका सवारी साधन सार्वजनिक गरिसकेका छन् । मेला अवधिभर करिब डेढ लाखले एक्स्पो अवलोकन गर्ने आयोजकको अपेक्षा छ ।

नाइमा मोबिलिटी संवादमा वित्तीय विषयमा छलफल
आजको ‘नाइमा मोबिलिटी संवाद’ अन्तर्गत “Mobility Through Finance & Insurance” विषयमा छलफल तथा अन्तर्क्रिया भएको छ । उद्यमी एवं वित्तीय साक्षरता विज्ञ संजोग कोइरालाले सहजीकरण गरेको संवादमा नेपाल राष्ट्र बैंकका निर्देशक सत्येन्द्र सुवेदी, ग्लोबल आइएमई बैंकका चिफ मार्केटिङ अफिसर राजा अर्याल, एनएलजी इन्स्योरेन्स कम्पनी लिमिटेडका प्रमुख कार्यकारी अधिकृत सुनिल बल्लभ पन्त तथा हुलास फिनसर्भ हायर पर्चेज लिमिटेडका प्रमुख कार्यकारी अधिकृत समिर ठाकुर प्यानलिस्टका रूपमा सहभागी थिए ।

बुधबारको ‘Learning Sessions’ मा “मोबिलिटी : हिजो, आज र भोलि” विषयमा छलफल तथा अन्तर्क्रिया भएको थियो । एक्स्पोको पहिलो दिन मंगलबार “Investment and Foreign Direct Investment (FDI): Mobility–Fuel for Economic Growth” विषयमा छलफल गरिएको थियो । एक्स्पो अवधिभर स्वदेशी तथा विदेशी विज्ञहरूको सहभागितामा ‘नाइमा मोबिलिटी संवाद’ सञ्चालन हुनेछ ।

साउन ३१ सम्म चल्ने एक्स्पो
नेपालमा दिगो, हरित तथा प्रविधिमैत्री यातायात प्रणालीलाई प्रवर्द्धन गर्ने उद्देश्यले आयोजना गरिएको दोस्रो संस्करणको एक्स्पो ६ दिनसम्म अर्थात् साउन ३१ गतेसम्म सञ्चालन हुनेछ ।

एक्स्पोमा स्वदेशी तथा बहुराष्ट्रिय सवारीसाधन निर्माता र आयातकर्ताको उल्लेख्य सहभागिता रहेको छ । नेपालमा पहिलोपटक प्रवेश गरेका ब्रान्डदेखि विभिन्न नयाँ मोडलका विद्युतीय कार, ई-स्कुटर तथा विद्युतीय व्यावसायिक सवारीसाधन मुख्य आकर्षणका रूपमा रहेका छन् ।

एक्स्पोमा बैंक तथा वित्तीय संस्था र बिमा कम्पनीहरूले सवारी खरिदका लागि विशेष अफर तथा सहुलियतपूर्ण कर्जा सुविधा उपलब्ध गराइरहेका छन् । मेलाको को-स्पोन्सरमा ग्लोबल आइएमई बैंक लिमिटेड रहेको छ भने रेडबुल ‘पावर्ड बाई’ पार्टनरका रूपमा रहेको छ ।

बैंकिङ पार्टनरका रूपमा एनएमबी बैंक लिमिटेड र सिद्धार्थ बैंक लिमिटेड रहेका छन् । मेलाको इन्स्योरेन्स पार्टनरमा सगरमाथा लुम्बिनी इन्स्योरेन्स कम्पनी लिमिटेड (सलिको) र एनएलजी इन्स्योरेन्स कम्पनी लिमिटेड रहेका छन् ।

त्यसैगरी, टेक्नोलोजी पार्टनरमा बोस (BOSCH), एजुकेसन पार्टनरमा ग्लोबल कलेज र एम्बार्क कलेज, चार्जिङ पार्टनरमा अग्नि इनर्जी प्राइभेट लिमिटेड र अजायल इन्जिनियरिङ सोलुसन्स प्राइभेट लिमिटेड तथा राइड पार्टनरमा पठाओ नेपाल प्राइभेट लिमिटेड रहेका छन् ।

हाइड्रेसन पार्टनरमा अक्वा मिनरल्स (अक्वा हन्ड्रेड) प्राइभेट लिमिटेड, हस्पिटालिटी पार्टनरमा द सोल्टी काठमाडौं, मेडिकल पार्टनरमा ग्रान्डी इन्टरनेसनल हस्पिटल, सर्भिलेन्स पार्टनरमा भत्सल इम्पेक्स प्राइभेट लिमिटेड (हिकभिजन) तथा फायर एन्ड सेफ्टी पार्टनरमा हिट्को प्राइभेट लिमिटेड रहेका छन् ।

नाइमा मोबिलिटी एक्स्पोको को–टिकेटिङ पार्टनरमा आइएमई खल्ती लिमिटेड, क्यूआर पार्टनरमा युनियनपे, अडियो–भिजुअल पार्टनरमा पायनियर इभेन्ट म्यानेजमेन्ट एन्ड मिडिया नेटवर्क प्राइभेट लिमिटेड तथा डिजिटल पार्टनरमा डिजिपल सोलुसन्स प्राइभेट लिमिटेड रहेका छन् ।

भेइकल सेफ्टी पार्टनरमा एटीएस नेपाल, म्यानेजमेन्ट पार्टनरमा मिडिया स्पेस सोलुसन्स प्राइभेट लिमिटेड, कनेक्टिभिटी पार्टनरमा वर्ल्डलिंक कम्युनिकेसन्स लिमिटेड तथा पब्लिकेसन पार्टनरमा प्रफिट मिडिया प्राइभेट लिमिटेड रहेका छन् ।