इन्टरनेशनल डेभलपमेन्ट इन्स्टिच्युट (IDI) ले केन्यामा डिजिटल लिडरशिप सम्बन्धि तालिम सञ्चालन गर्ने भएको छ । सेप्टेम्बर १ देखि सञ्चालन हुने कार्यक्रम अमेरिका स्थित युनिभर्सिटी अफ क्यालिफोर्निया, सान्ता क्रुज (सिलिकन भ्याली एक्सटेन्सन) को सहकार्यमा आयोजना हुने लागेको हो ।

कार्यक्रम सेप्टेम्बर १ देखि भर्चुअल माध्यमबाट सुरु भई सेप्टेम्बर १५ देखि १९ सम्म केन्याको नेरोबी सहरमा प्रत्यक्ष रूपमा सञ्चालन हुनेछ । अफ्रिकाको ‘सिलिकन सवाना’ भनेर चिनिने नेरोबीमा आयोजना हुने यो तालिम डिजिटल परिवर्तन, प्रविधि नेतृत्व, कृत्रिम बौद्धिकता (AI), ब्लकचेन, साइबर सुरक्षा, र नवप्रवर्तन व्यवस्थापन जस्ता विषयमा केन्द्रित रहनेछ । 

सहभागीहरूले नेरोबीस्थित प्रतिष्ठित प्रविधि संस्था जस्तै iHub, Nairobi Garage, Nailab, र सरकारी मन्त्रालयहरूको प्रत्यक्ष अवलोकन गर्ने अवसर पाउनेछन् । साथै, सिलिकन भ्यालीका विज्ञहरूसँग पनि भर्चुअल संवाद हुनेछ ।

तालिम तीन चरणमा विभाजित गरिएको छ । पहिलो चरणमा भर्चुअल ओरिएन्टेसन हुनेछ । दोस्रो चरणमा दुई वटा अनलाइन कार्यशाला हुनेछ भने तेस्रो चरणमा प्रत्यक्ष रुपमा ५ दिने प्रशिक्षण, उद्योग भ्रमण, र परियोजना आधारित कार्यहरू सञ्चालन गरिनेछ । 

सहभागीहरूले डिजिटल रणनीति बनाउने, परिवर्तन व्यवस्थापन गर्ने, र नेतृत्वमा इमोशनल इन्टेलिजेन्स प्रयोग गर्ने सीप हासिल गर्नेछन्। यो कार्यक्रम विशेष गरी डिजिटल रूपान्तरणको जिम्मेवारी सम्हाल्ने वरिष्ठ कार्यकारी, सीटीओ, सीआईओ, परियोजना व्यवस्थापक, नवप्रवर्तन अधिकारी तथा व्यावसायिक सल्लाहकारहरूको लागि लक्षित गरिएको छ । नेपालबाट पनि डिजिटल लिडरसीप कार्यक्रममा सहभागी हुन सकिने छ ।  

कार्यक्रमको शुल्क २५ दय अमेरिकी डलर तोकिएको छ, जसमा आवास, खाजा–खाना, तालिम सामग्री, भ्रमण लगायत समावेश छन् । आवासविना सहभागी हुनेको लागि शुल्क २ हजार अमेरिकी डलर लाग्ने छ ।  

नेपालबाट कार्यक्रममा सहभागी हुन चाहनेले यहाँ क्लिक गरेर दर्ता गर्न वा आईडीआईको ज्वागल (युएन पार्क) स्थित कार्यालय वा [email protected] मा सम्पर्क गर्न गर्न सक्ने छन् । 

इन्टरनेशनल डेभलपमेन्ट इन्स्टिच्युट अमेरिकामा बस्ने नेपाली मुलका व्यक्तिहरूले सुरू गरेको संस्था हो । यसको मुख्य कार्यालय अमेरिकामा छ भने नेपाल, नाइजेरिया र केन्यामा पनि कार्यालय रहेको छ ।