तपाईंले प्रायः महसुस गर्नुभएको होला कि जब तपाईं कुनै प्रोडक्ट किन्नेबारे सोच्नुहुन्छ, त्यसको केही समयपछि त्यो प्रोडक्टको विज्ञापन तपाईंको मोबाइलमा देखिन थाल्छ । तपाईं सोशल मिडिया स्क्रोल गरिरहनुभएको होस् वा कुनै अर्को एप प्रयोग गरिरहनुभएको होस्, त्यो प्रोडक्टसँग सम्बन्धित विज्ञापनहरू बारम्बार देखा पर्न थाल्छन् । के तपाईंले कहिल्यै सोच्नुभएको छ — यस्तो किन हुन्छ?

साँचो कुरा के हो भने तपाईंको स्मार्टफोन, विशेषगरी एन्ड्रोइड डिभाइस, तपाईंका कुरा सुन्छन् र त्यसकै आधारमा विज्ञापन देखाउँछन् । यसको पछाडि गुगलको एक फिचर काम गरिरहेको हुन्छ, जसले तपाईंको फोनको माइक्रोफोन प्रयोग गरेर तपाईंका कुराकानी सुन्छ । यदि तपाईंले यो सेटिङ बन्द गर्नुभएन भने, तपाईंका व्यक्तिगत कुराहरू पनि कम्पनीहरूमा पुग्न सक्छन्, जसले तपाईंको गोपनीयतालाई खतरा पु¥याउन सक्छ ।

धेरैजसो मानिसहरू एप इन्स्टल गर्दा ध्यान नदिएर सबै परमिशन स्वीकार गरिहाल्छन् । डेभलपर्सले तपाईंको लोकेशन, माइक्रोफोन, क्यामेरा र कन्ट्याक्ट्स  पहुँचको अनुमति लिएर तपाईंको व्यक्तिगत जानकारीको दुरुपयोग गर्न सक्छन् । त्यसैले कुन एपलाई कुन अनुमति दिइँदैछ भन्ने कुरा ध्यानपूर्वक हेर्नु अत्यन्तै जरुरी हुन्छ — के त्यो अनुमति साँच्चै आवश्यक छ वा छैन् भनेर ।

एन्ड्रोइड फोनमा माइक्रोफोनको सहयोगले गुगल तपाईंको कुराकानी सुन्छ, तर सुखद कुरा के छ भने तपाईंले सेटिङ्समा गएर यो फिचर बन्द गर्न सक्नुहुन्छ । यसरी गर्दा तपाईंको प्राइवेसी धेरै हदसम्म सुरक्षित राख्न सकिन्छ ।

सेटिङ्समा यस्ता परिवर्तन गर्नुहोस् :

सबैभन्दा पहिले तपाईंको फोनको सेटिङ्समा जानुहोस् । त्यहाँबाट गुगलमा ट्याप गर्नुहोस् । यति गरेपछि म्यानेज योर गुगल एकाउन्टमा क्लिक गर्नुहोस् ।

अब डेटा एन्ड प्राइवेसी सेसनमा जानुहोस् । त्यसपछि वेब एन्ड एप एक्टिभिटीमा क्लिक गर्नुहोस् ।

त्यहाँ तपाईंलाई भ्वाइस एन्ड अडियो एक्टिभिटीको विकल्प देखिनेछ । त्यस विकल्पको छेउमा रहेको बक्स अनचेक गर्नुहोस् ।

जति नै तपाईंले यी सेटिङ परिवर्तन गर्नुहुन्छ, तपाईंको फोनले तपाईंको कुराकानी सुन्न बन्द गर्नेछ र तपाईंको गोपनीयता थप सुरक्षित हुनेछ ।