ग्रन्थ ईलेक्ट्रिक भेहिकल प्रालिले कम्पनीको २५ प्रतिशत संस्थापक शेयर नेपाली जनतालाई बेच्ने भएको छ । कम्पनीलाई वृहत्तर बनाउन सिमित व्यक्तिहरूमा निहित नगरी अहिलेलाई २५ प्रतिशत शेयर बढीमा ४९ जना सर्वसाधारणलाई दिने भएको हो ।

ग्रन्थ ईभीका संचालक तथा प्रमुख कार्यकारी अधिकृत सुजन ढुङ्गेल कम्पनीको २५ प्रतिशत शेयर नेपाली नागरिकलाई दिने निणर्य भएको जानकारी दिए ।

‘यस्ता कम्पनीहरुमा हालसम्म सीमित व्यक्तिहरूको स्वार्थ र अधिनमा रहेको छ,’ उनले भने, ‘सीमित व्यक्तिहरूको वर्षौदेखि अधिनमा हुँदा सधैं एक व्यक्ति मात्रै धनी हुने भइरहेको हुन्छ । त्यस्तो परिपाटीलाई कम गर्न र सबै नेपालीलाई धनी बनाउन यो निर्णय गरेका हौं ।’

लगानीको लागि देश विदेशमा बस्ने जो सुकै नेपालीहरुले पनि आवेदन दिन सक्ने छन् । कम्पनीमा कम्तीमा १ लाख र बढीमा ३ करोडसम्म लगानी गर्न सकिने छ ।

प्राप्त आवेदनबाट ४९ जनालाई अहिलेको चरणमा समावेश गरिने र भविष्यमा थप गर्दै योजना रहेको कम्पनीले जनाएको छ ।  लगानी प्रस्तावका लागि [email protected] इमेलमा आफ्नो प्रस्ताव पठाउन सकिने छ ।

प्रस्ताव पठापछि कम्पनीले एक कार्यक्रम आयोजना गरी लगानीकर्ताको सुची लिकाल्ने छ, सो कार्यक्रममा सम्पूर्ण प्रस्तावकहरुलाई निमन्त्रण दिइनेछ ।

ग्रन्थ ईभीले भैरहवामा सवारीसाधन एसेम्बल गर्ने उद्योग स्थापना गर्दैछ । उद्योग तयार भएपछि कम्पनीले सुरूमा दुई पांग्रे सवारीसाधन एसेम्बल गर्ने र त्यसपछि विस्तारै चार पांग्रेमा छिर्ने योजना लिएको छ ।

ग्रन्थले बनाउने विद्युतीय स्कुटरमा साइड ड्राइभ मोटर प्रयोग गरिएको छ । यो मोटरका कारण उकालो ओरालोमा स्कुटर सजिलै गुडाउन सकिन्छ ।

राम्रो र पावरफुल परपर्मेन्स पनि हुन्छ । पर्मानेन्ट म्यागनेट सिङ्क्रोनाइजेसन मोटर प्रविधिमा आधारित साइड ड्राइभ मोटर प्रविधि टेस्लाले समेत प्रयोग गर्ने गरेको ढुंगले बताउँछन् ।

अरू स्कुटरमा सामान्यतया हब मोटर प्रयोग गरिएको हुन्छ । यो प्लेन एरिया गुड्न सजिलो सक्छ तर उकालो, ओरालोमा राम्रोसँग गुड्न सक्दैन् ।

कम्पनीको स्कुटरमा लिथिमय आइरन फस्पेट ब्याट्रि प्रयोग गरिएको छ । यो ब्याट्रीले रेञ्ज बढी दिन्छ । ब्याट्री र मोटरमा ३ वर्ष वारेन्टी पाइने छ ।

४ देखि साढे ४ घण्टामा उक्त स्कुटर फुल चार्ज हुनेछ भने अधिकतम रेञ्ज ११० किलोमिटर दिनेछ । यसमा ब्याट्री ब्रेक रिजेनेरेटेड सिस्टम प्रयोग गरिएको छ । यसले गर्दा ब्रेक हान्दा खर्च भएको शक्तिले फेरि ब्याट्रीमा आएर रिचार्ज हुन्छ, जसले गर्दा रेञ्ज बढी दिनेछ ।

ढुंगेलका अनुसार ग्रन्थले एसेम्बल गर्ने स्कुटरको मूल्य साढे २ लाखदेखि ३ लाखसम्म पर्ने अनुमान गरिएको छ । स्कुटरमा फास्ट चार्जर प्रविध भने राखिएको छ ।

यो पनि पढ्नुहोस्ः करिब ५ करोडको लगानीमा भैरहवामा विद्युतीय सवारीसाधन एसेम्बल गर्ने उद्योग स्थापना हुँदै