मकवानपुरको थाहा नगरपालिका चितलाङमा अवस्थित मदन भण्डारी विज्ञान तथा प्रविधि विश्वविद्यालयमा एडुरोम सेवा शुरुवात गरिएको छ । यो सेवालाई नेपाल रिसर्च एण्ड एजुकेसन नेटवर्क (एनआरईएन) को प्राविधिक सहयोगमा सुरुवात गरिएको हो ।

यससँगै एडुरोममा जोडिएका सङ्घसंस्थाका प्रतिनिधिहरू मदन भण्डारी विज्ञान तथा प्रविधि विश्वविद्यालय पुग्दा सुरक्षित  इन्टरनेटमा सजिलै पहुँच पाउन सक्ने भएका छन् । रेडियस सर्भरमार्फत  प्रयोगकर्ताको प्रमाणीकरण गरिने हुँदा एडुरोम अन्य वाईफाईको तुलनामा अधिक सुरक्षित मानिन्छ । 

साथै अनुसन्धानकर्ताहरू एडुरोममा आबद्ध देश तथा विदेशमा रहेको अर्को शैक्षिक तथा अनुसन्धान संस्था पुग्दा त्यहाँ समेत निःशुल्क इन्टरनेटमा जोडिन सक्ने छन् । एडुरोमको प्रयोगबाट विश्वविद्यालय, वैज्ञानिक अनुसन्धान सम्बन्धी संस्था तथा उच्च शिक्षामा संलग्न शिक्षक तथा विद्यार्थीहरू एक संस्था बाट अर्को संस्थामा जाँदा आफ्नो शैक्षिक संस्थाको युजरनेम र पासवर्डबाट इन्टरनेटमा जोडिन सक्छन् । 

हाल ११० भन्दा बढी देशको सङ्घसंस्थाहरूमा एडुरोम सञ्चालनमा आइसकेको छ । इडियुरोम अनुसन्धान र शैक्षिक सङ्घसंस्थाका व्यक्तिलाई विश्वका अन्य सङ्घसंस्थामा पुग्दा सहजै नेटवर्क पहुच उपलब्ध गराउने विश्वव्यापी सेवा हो । 

एडुरोम  दुई वटा छुटृा छुटै शब्दहरुको समिश्रणबाट बनेको शब्द हो । यसका अगाडिकातीन एडुले एजुकेसन र पछाडिको चार अक्षर रोमले रोमिङ  भन्ने अर्थ लाग्ने गर्दछ ।  वास्तवमा शिक्षा र अनुसन्धानका क्षेत्रमा अनुसन्धान गर्नेहरुको  लागि यो एउटा  अत्यन्तै  महत्वपूर्ण हटस्पट सेवा हो । यो सेवा आज विश्वका धेरै भन्दा धेरै विश्वविद्यालय, अस्पताल, एयरपोर्ट तथा अनुसन्धान केन्द्रहरुले प्रयोग गर्ने गरेका पाइन्छन् । 

नेपाल रिसर्च एण्ड एजुकेशन नेटवर्कले राष्ट्रिय रोमिङ अपरेटरको रूपमा,  विभिन्न शैक्षिक  संस्था, रिसर्च संस्था  र अस्पताल हरुमाहरुमा एडुरोम सेवालाई निःशुल्क जडान गर्न  अभिप्रेरित गरिरहेको छ ।  

काठमाडौँ विश्वविद्यालय र त्रिभुवन विश्वविद्यालय, नेपाल विज्ञान तथा प्रविधि प्रज्ञा प्रतिष्ठान लगायत  २७  वटा सङ्घसंस्था यस सञ्जालमा आबद्द भएका छन् ।