क्यासिफिक ब्रोडब्याण्ड स्याटलाइटस् समूहले आफ्नो क्यासिफिक १ स्याटलाइट मार्फत नेपालमा का ब्यान्ड टर्मिनलको सफल परीक्षण गरेको छ । ह्वासएपमा कल गर्दै क्यासिफिक १ स्याटलाइटेबाट नेपालमा इन्टरनेटको सफल परीक्षण भएको हो ।

नेपालमा गरिने स्याटलाइट ब्रोडब्यान्ड सेवाको यो पहिलो परीक्षणले का ब्रोडब्यान्ड सेवाको पूर्ण परिचयका लागि बाटो खोलेको छ ।

परीक्षणले ८० एमबीपीएस तल र १६ एमबीपीएस माथिको गति हासिल गरेको छ । ओक्ला स्पीडटेस्टमा आधारित नेपालको लागि हालको औसत फिक्स्ड ब्रोडब्यान्ड डाउनलोड स्पीड २४ एमबीपीएस रहेको छ ।

यस वर्षको सुरुमा नेपाल दूरसञ्चार प्राधिकरणले नेपालमा प्ब ब्यान्ड स्पेक्ट्रम प्रयोग गर्न स्वीकृत गर्‍यो, जसले क्यासिफिकलाई राष्ट्रव्यापी ब्रोडब्यान्ड सेवा स्थापना गर्न सक्षम बनाएको छ ।

स्वीकृति प्रदान गर्दा काले देशका सबै क्षेत्रहरूले किफायती दरहरूमा छिटो इन्टरनेटबाट लाभान्वित हुने अपेक्षा गरेको छ किनभने नेपालभित्रका व्यवसाय, समुदाय र सरकारी निकायहरूले क्यासिफिक १ बाट सेवाहरू लिन सक्नेछन् ।

नेपालमा तुलनात्मकरूपमा कम जनघनत्व छ (२०५ व्यक्ति/किमी २), र कुल २९ मिलियन जनसंख्याको २० प्रतिशत मात्र शहरी केन्द्रहरूमा बस्छन् ।

देशको पहाडी भूभागले जमिनमा आधारित प्रविधिहरूलाई व्यापक र भरपर्दो कभरेज प्रदान गर्न गाह्रो बनाउँछ र देशका ठूला क्षेत्रहरू केबलमा आधारित वा निश्चित वायरलेस प्रविधिहरू प्रयोग गरेर जडान गर्न सकिँदैन ।

फलस्वरूप, नेपालमा इन्टरनेट पहुँच करिब ३७ प्रतिशत मात्रै छ र वार्षिक इन्टरनेट वृद्धि दर मात्र ५.५ प्रतिशत छ ।
यसले ग्रामीण क्षेत्रमा बसोबास गर्ने २ करोड ३० लाख नागरिकका लागि ठूलो समस्याको प्रतिनिधित्व गर्दछ ।

व्यक्ति र एजेन्सीहरूलाई जोड्ने एक मात्र यथार्थपरक माध्यम स्याटेलाइट हो, तर यस वर्षसम्म पनि तीव्र का ब्यान्ड सेवा तैनाथ हुन सकेको छैन् ।

क्यासिफिकको सेवाको सुरुवातले विशेषगरी नेपालको उप-हिमाली पहाडी क्षेत्रहरूमा ब्रोडब्यान्ड इन्टरनेटको पहुँचमा सुधार ल्याउने छ । करिब ६१ हजार वर्ग किलोमिटर क्षेत्रफल ओगटेको यो क्षेत्रले कुल जमिनको ४० प्रतिशत र कुल जनसंख्याको ४५ प्रतिशत ओगटेको छ ।

क्यासिफिकको सफल परीक्षण र क्षेत्रीय निर्देशक धन गुरुङसँगको ह्वाट्सएप कलपछि बोल्दै सीईओ क्रिस्चियन प्याटौक्र्सले यो नेपाली जनताका लागि कोशेढुङ्गा भएको बताए ।

कठिन भूभाग र कम जनघनत्व भएको स्थानमा स्याटलाइट प्रविधि प्रयोग गरेर सजिलैसँग इन्टरनेट दिन सकिने उनको भनाइ छ ।

‘क्यासिफिक १ स्याटेलाइटले नेपाललाई समेटेको हुनाले, हामी ब्रोडब्यान्डको टेक-अप दर द्रुत रूपमा बढाउन सक्छौं,’ उनले भने, ‘दुर्गम क्षेत्रहरूमा मानिसहरूसम्म पुग्नको लागि, एक योग्य स्थापनाकर्ताले केवल १.२ मिटर व्यासको सानो डिश सेटअप गरेर यसलाई आकाशमा देखाउन पर्छ ।  त्यसपछि स्कूल, क्लिनिक, स्थानीय प्राधिकरण, व्यवसाय वा समुदायका सबैजनाले इन्टरनेटमार्फत् सबै कुराको पहुँच गर्न सक्छन् ।’

कम्पनीले ३ देखि ३० एमबीपीएस स्पीडसम्मको इन्टरनेट उपलब्ध गराउने जनाएको छ, जसको मूल्य १७ हजारदेखि ३१ हजार रूपैयाँसम्म तोकिएको छ । यसमा जडान खर्च भने समावेश छैन् ।

सन् २०२२ को अन्त्यसम्ममा सेवा सुरु गर्ने बताइएको छ । हाल क्यासिफिकले आईएसपी र स्थापना कम्पनीहरूका प्राविधिकहरूका लागि प्रशिक्षण सत्रहरू सुरु गरेको छ ।